| e-texts navigator |
| Wylie |
446b1 སུམ་དུ་ཐོས་སོ། །ཁྱིམ་བདག་གཞན་ཡང་ཉོན་ཅིག་།ཀུན་ནས་སྐལ་པ་མཐུན་པ་ཡི། །འཁོར་རྣམས་གང་ཞིག་འདོད་པ་དེས། །དཀྱིལ་འཁོར་བརྒྱད་ནི་འདྲི་བར་བྱ། །གང
446b2 ཞིག་བརྒྱ་བྱིན་ཉིད་དང་ནི། །ཚངས་པའི་འཇིག་རྟེན་བདག་པོ་དང་། །ལྷ་མི་རྒྱལ་པོའི་རྒྱལ་སྲིད་དང་། །བློ་ལྡན་སྣ་ཚོགས་གཟུགས་བཟང་འདོད། །རྟག་ཏུ་དཀྱིལ་འཁོར
446b3 མཆོག་བརྒྱད་བྱ། །སེངྒེའི་རྒྱལ་པོ་བཀོད་པ། འདི་ཇི་སྙམ་དུ་སེམས། དེའི་ཚེ་དགེ་སློང་རྣམ་པར་རྒྱལ་བ་འབྱུང་བ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་འཛིན་ན། དེ་ལྟར་མི་བལྟ
446b4 སྟེ|་འཇམ་དཔལ་གཞོན་ནུར་གྱུར་པ་འདི་དེའི་ཚེ་དེའི་དུས་ན་དགེ་སློང་རྣམ་པར་རྒྱལ་བ་འབྱུང་བ་ཞེས་བྱ་བར་གྱུར་ཏོ། །སེངྒེའི་རྒྱལ་པོ་བཀོད་པ། དེའི་ཚེ་དེའི་དུས་ན་ཁྱིམ་བདག་དྲག
446b5 ཤུལ་ཅན་གྱིས་བྱིན་པ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་སོམ་ཉིའམ་ཡིད་གཉིས་ཟ་ན། དེ་ལྟར་མི་བལྟ་སྟེ། ང་ཉིད་དེའི་ཚེ་དེའི་དུས་ན་དྲག་ཤུལ་ཅན་གྱིས་བྱིན་པ་ཞེས་བྱ
446b6 བའི་ཁྱིམ་བདག་ཏུ་གྱུར་ཏོ། །ངས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་པའི་བར་དང་། སངས་རྒྱས་ཉིད་ཐོབ་ཀྱི་བར་དུ་ཚེ་རབས་བྱེ་བ་ཁྲག་ཁྲིག་འབུམ་དེ་དང་དེ་དག་ཏུ་ཆོས
446b7 འདི་ཀུན་ཏུ་བསྟེན་ཏོ། །བསྒོམས་སོ། །མང་དུ་བྱས་སོ། །རིགས་ཀྱི་བུ། གང་གིས་ན། ངའི་འཁོར་གྱི་དཀྱིལ་འཁོར་བཀོད་པ་འདི་འདྲ་བར་གྱུར་བའི་རྒྱུ་ནི། དེ་ཡིན་ནོ། །རྐྱེན་ནི། དེ་ཡིན་ནོ། །
iiif viewer powered by OpenSeadragon
