| e-texts navigator |
| Wylie |
445b1 འཆད་པར་ཁྱིམ་བདག་དེའི་ཁྱིམ་དུ་འགྲོའོ། །རེ་ཞིག་ན་དུས་ཀྱི་མཐུས་ཁྱིམ་བདག་དེ་དགེ་སློང་དེ་ལ་རྗེས་སུ་ཆགས་པ་དང་བཅས་པའི་སེམས་སུ་གྱུར་ནས། རེ་ཞིག་ན་ཁྱིམ་བདག་དེས
445b2 ལེགས་པར་བྱ་བའི་ལས་ཀྱི་འབྲས་བུ་དྲིས་སོ། །དེ་ནས་དགེ་སློང་དེས་སྐྱེ་བོ་མང་པོ་ལ་ཕན་པའི་ཕྱིར་དང་། སྐྱེ་བོ་མང་པོ་ལ་བདེ་བའི་ཕྱིར་དང་། འཇིག་རྟེན་ལ་སྙིང་བརྩེ་བའི་ཕྱིར
445b3 དང་། ལྷ་དང་། མི་རྣམས་ཀྱི་སྐྱེ་བོ་ཕལ་པོ་ཆེའི་དོན་དང་། ཕན་པ་དང་བདེ་བའི་ཕྱིར་ཁྱིམ་བདག་དེ་ལ་དཀྱིལ་འཁོར་བརྒྱད་པ་ཞེས་བྱ་བའི་ཆོས་ཀྱི་རྣམ་གྲངས་བསྟན་ཏེ། ཁྱིམ
445b4 བདག་། དཀྱིལ་འཁོར་བརྒྱད་པ་ཞེས་བྱ་བའི་ཆོས་ཀྱི་རྣམ་གྲངས་གང་ཞེ་ན། བདེ་བ་ཐམས་ཅད་སྦྱིན་པར་བྱེད་པའོ། །དེས་འཁོར་ཕུན་སུམ་ཚོགས་པ་ཐོབ་པར་འགྱུར་ཏེ། གང་དང་གང
445b5 དུ་སྐྱེས་པར་ཆོས་དང་ལྡན་པའི་སེམས་ཅན་རྣམས་དང་མི་འབྲལ་བར་འགྱུར། འཁོར་མང་པོ་དང་ལུས་ཕུན་སུམ་ཚོགས་ནས་གཟུགས་བཟང་པོ་ཉིད་ཐོབ་པར་འགྱུར། ཡོ་བྱད་ཕུན
445b6 སུམ་ཚོགས་པ་འཐོབ་པར་འགྱུར་ཏེ། བཙལ་མི་དགོས་པར་ཡོ་བྱད་རྣམས་འབྱོར་བར་འགྱུར། ལུས་སྲ་ཞིང་བརྟན་ལ་ལུས་ཕུན་སུམ་ཚོགས་པ་འཐོབ་པར་འགྱུར་ཞིང་། དེ་ལ་རི་དང
445b7 རྩིག་པ་རྣམས་ཀྱང་སྒྲིབ་པར་མི་བྱེད་དེ། ཕུན་སུམ་ཚོགས་པ་བཞི་པོ་དེ་དག་འཐོབ་པར་འགྱུར་རོ། །དེ་ནས་ཁྱིམ་བདག་དེ་དགའ་ཞིང་མགུ་ལ་ཡི་རང་བར་གྱུར་ནས། དགེ་སློང་དེའི་རྐང་པ
iiif viewer powered by OpenSeadragon
