| e-texts navigator |
| Wylie |
445a1 འབྱུང་བ་བྱེ་བ་ཁྲག་ཁྲིག་ཕྲག་དུ་མ་ཞིག་འདས་ན། གང་གི་འཁོར་གྱི་དཀྱིལ་འཁོར་ཡང་བཅོམ་ལྡན་འདས་ཀྱི་ཅི་འདྲ་བ་དེ་འདྲ་བར་མ་གྱུར་ལགས་སོ། །བཅོམ་ལྡན
445a2 འདས|་བདག་གི་ཞུ་བ་བསྟན་པ་འདིའི་ལན་སྩལ་དུ་གསོལ། བྱང་ཆུབ་སེམས་དཔའ་གཞན་དག་གིས་ཐོས་ནའང་དབུགས་ཕྱིན་པར་འགྱུར་ལགས་སོ། །དེ་ནས་བཅོམ་ལྡན
445a3 འདས་ཀྱིས་ཐམས་ཅད་དང་ལྡན་པའི་འཁོར་ཡང་དག་པར་གཟེངས་བསྟོད་པའི་ཕྱིར་བྱང་ཆུབ་སེམས་དཔའ་སེངྒེའི་རྒྱལ་པོ་བཀོད་པ་ལ་འདི་སྐད་ཅེས་བཀའ་སྩལ་ཏོ། །རིགས
445a4 ཀྱི་བུ|་ཉོན་ཅིག་དང་། དྲིས་པ་ལན་གདབ་པ་དཀྱིལ་འཁོར་བརྒྱད་པ་ཞེས་བྱ་བའི་ཆོས་ཀྱི་རྣམ་གྲངས་གང་ངས་སྔོན་སོ་སོའི་སྐྱེ་བོའི་དུས་ན་ཀུན་ཏུ་བསྟེན་ཅིང་བསྒོམས་ཏེ་ལན་མང
445a5 དུ་བྱས་པ་དེ་བསྟན་པར་བྱའོ། །རིགས་ཀྱི་བུ། འདས་པའི་དུས་ན་སྔོན་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་བསམ་གྱིས་མི
445a6 ཁྱབ་པ་ཞེས་བྱ་བ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ། །དེའི་དུས་ན་ཁྱིམ་བདག་དྲག་ཤུལ་ཅན་གྱིས་བྱིན་ཞེས་བྱ་བ་ཞིག་ཤིན་ཏུ་མ་དད་ཅིང་ཡིད་དུ་མི་འོང་བའི
445a7 ཆོས་ལྔ་དང་ལྡན་ཞིང་། ཆོས་འདུལ་བ་ལ་རྒྱབ་ཀྱིས་ཕྱོགས་སོ། །དགེ་སློང་རྣམ་པར་རྒྱལ་བ་འབྱུང་བ་ཞེས་བྱ་བ་ཞིག་ཁྱིམ་བདག་དེ་ལ་སྙིང་བརྩེ་བའི་ཕྱིར་ཡང་དང་ཡང་དུ་རྒྱུན་མི
iiif viewer powered by OpenSeadragon
