| e-texts navigator |
| Wylie |
74a1 སེམས་ཅན་ཐམས་ཅད་ཀྱི་རེ་བ་ཡོངས་སུ་རྫོགས་པར་བྱེད་ཀྱང་གང་བྱས་པ་དེ་དག་ལ་ཡང་མངོན་པར་ཞེན་པ་ཡང་མེད་དོ། །དེའི་ཚེ་བཅོམ་ལྡན་འདས་ཀྱིས་རྩོལ
74a2 བ་མེད་པའི་ཡེ་ཤེས་འདི་བསྟན་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་པར་གྱུར་ཏོ། །བརྒྱ་བྱིན་ལྷའི་དབང་པོ་ཡང་སུམ་ཅུ་རྩ་གསུམ་གྱི་ལྷ
74a3 རྣམས་དང་བཅས་ཏེ་སྟེང་གི་བར་སྣང་ལས་མེ་ཏོག་མན་ད་རབ་བ་དང་། ཨུཏྤ་ལ་དང་། ཀུ་མུ་ཏ་དང་། པདྨ་དང་། པུན་ད་རི་ཀ་དང་། ཙན་དན་གྱི་ཕྱེ་མའི་ཆར་མངོན་པར་ཕབ་སྟེ་།
74a4 བཅོམ་ལྡན་འདས་ལ་མངོན་པར་བསྟོད་དོ། །ལྷའི་རྔ་རྣམས་ཀྱང་རང་སྒྲ་བྱུང་བར་གྱུར་ཏོ། །ངོ་མཚར་རྨད་དུ་བྱུང་བའི་སྣང་བ་ཆེན་པོས་ཀྱང་ཀུན་ཏུ་སྣང་བར་བྱས་ཏེ། སེམས
74a5 ཅན་གང་ལ་རེག་པར་གྱུར་པ་དེའི་ལུས་ཀྱང་ཤིན་ཏུ་བསིལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་གློག་ཐོབ་ལ་བཀའ་སྩལ་པ། གློག
74a6 ཐོབ། འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གནས་འདིར་ཆོས་ཀྱི་རྣམ་གྲངས་འདི་ལྟ་བུ་གསུངས
74a7 སོ། །མ་བྱོན་པའི་དེ་བཞིན་གཤེགས་པ་རྣམས་འཇིག་རྟེན་དུ་བྱུང་བའི་ཚེ་ཡང་གནས་འདིར་ཆོས་ཀྱི་རྣམ་གྲངས་འདི་ལྟ་བུ་གསུངས་བར་འགྱུར་རོ། །འཇིག་རྟེན་གྱི་ཁམས
iiif viewer powered by OpenSeadragon
