| e-texts navigator |
| Wylie |
71a1 གོ་བར་གྱུར་པས་དེ་མ་ཐག་ཏུ་གསོད་པའི་སེམས་ཉེ་བར་ཞི་བར་གྱུར་ནས། མཚོན་ཆ་སྤངས་ཏེ་གཡང་ས་ནས་བྱུང་ནས། བཅོམ་ལྡན་འདས་དེ་ག་ལ་བ་དེར་སོང
71a2 སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་གཏུགས་ནས་ཕྱག་བྱས་ཏེ་ཕྱོགས་གཅིག་ཏུ་འདུག་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག
71a3 ནི་དེང་དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་ནས་ལམ་བསྒྲུབ་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་རིགས་སོ། །དགེ་སློང་ལེགས
71a4 པར་འོངས་སམ་ཞེས་གསུངས་མ་ཐག་ཏུ་དགེ་སློང་གི་དངོས་པོར་གྱུར་ནས་བསྙེན་པར་རྫོགས་པར་གྱུར་ཏོ། །དེ་ནས་དེ་བཞིན་གཤེགས་པ་མཆོག་ཏུ་སྐྱེས་པས་དེའི་ལྷག་པའི་བསམ་པ
71a5 ཐུགས་ཀྱིས་མཁྱེན་ནས་མཐར་གྱིས་ཡོངས་སུ་སྨིན་པར་མཛད་ནས། བྱང་ཆུབ་སེམས་དཔའི་སྤྱོད་པ་རྣམས་རྒྱ་ཆེར་ཡང་དག་པར་བསྟན་པར་འཇིགས་སུ་རུང་བ་ཐོས་ནས་སངས་རྒྱས་ཀྱི
71a6 བསྟན་པ་ལ་ཕྱིར་མི་ལྡོག་པ་ཐོབ་པར་གྱུར་རོ། །གླང་དེ་ཡང་དེ་བཞིན་གཤེགས་པ་དེས་རྟེན་ཅིང་འབྲེལ་བར་འབྱུང་བའི་ཆོས་ཀྱི་ཚིག་སྟོན་པའི་གསུང་སྒྲ་ཤིན་ཏུ་གྱ་ནོམ་པ་ཐོས་ནས་སེམས
71a7 ལ་རབ་ཏུ་དགའ་བ་སྐྱེས་པས། ཤི་འཕོས་པའི་འོག་ཏུ་དགའ་ལྡན་གྱི་ལྷའི་གནས་སུ་སྐྱེས་ནས་ཐ་མར་བྱམས་པ་དང་ཕྲད་དེ། ཡང་དག་པའི་དད་པ་དང་ལྡན་པར་འགྱུར་རོ། །གློག་ཐོབ།
iiif viewer powered by OpenSeadragon
