| e-texts navigator |
| Wylie |
69b1 ནི་ཡང་ལྡང་བར་མི་འགྱུར་རོ། །གློག་ཐོབ། སྔོན་བྱུང་བ་འདས་པའི་བསྐལ་པ་ཚད་མེད་གྲངས་མེད་པ་དེ་བཞིན་གཤེགས་པ་མར་མེ་མཛད་ཀྱི་ཡང་ཆེས་སྔ་རོལ་ན། དེ་བཞིན་གཤེགས་པ་དགྲ
69b2 བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས
69b3 ཀྱི་སྟོན་པ་སངས་རྒྱས་བཅོམ་ལྡན་འདས་མཆོག་ཏུ་སྐྱེས་པ་ཞེས་བྱ་བ་འཇིག་རྟེན་དུ་བྱུང་ངོ་། །འཇིག་རྟེན་གྱི་ཁམས་དེ་ནི་འོད་ཟེར་ཅན་ཞེས་བྱ་སྟེ། རྒྱལ་པོའི་གྲོང་ཁྱེར་རབ་ཏུ་བདེ་བ་ཞེས་བྱ་བའི་ཚལ
69b4 ན་བཞུགས་སོ། །དེའི་ཚེ་བཤན་པ་འཇིགས་སུ་རུང་བ་ཞེས་བྱ་བ་ཁྲོ་གཏུམ་ཆེ་བ་གསོད་པ་ལ་དགའ་ཞིང་། བཟོད་པ་དང་བྱམས་པའི་སེམས་མེད་པ། ལག་པ་ཁྲག་གིས་བསྐུས་པ། མཐོང་བ་ཐམས
69b5 ཅད་སྐྲག་པར་འགྱུར་བ་ཞིག་ཡོད་དེ། དེའི་ཚེ་བཤན་པ་དེས་གླང་ཞིག་ཁང་པའི་ནང་དུ་བཅིངས་ཏེ། ནང་དུ་ཞུགས་ནས་གསོད་པར་བྱས་པ་ལས། གླང་དེས་དེ་མཐོང་ནས་ཤིན་ཏུ་སྐྲག་པས་ཐག
69b6 པ་བཅད་དེ་བྲོས་ནས། དེ་བཞིན་གཤེགས་པ་མཆོག་ཏུ་སྐྱེས་པ་བཞུགས་པའི་ཚལ་ག་ལ་བ་དེར་སོང་ངོ་། །དེའི་ཚེ་བཤན་པ་དེ་ཡང་མཚོན་ཐོགས་ནས་ཕྱི་བཞིན་བསྙེགས་པས་གླང་དེ་སྐྲག་ནས
69b7 གཡང་ས་ཟབ་མོ་ཞིག་ཏུ་ལྷུང་ནས་སྲོག་ཆད་ལ་ཐུག་པ་ཙམ་དུ་ན་ཞིང་སྡུག་བསྔལ་བས་སྒྲ་ཕྱུང་ངོ་། །དེའི་ཚེ་བཤན་པས་གླང་དེ་མཐོང་ནས་ཞེ་སྡང་ཆེར་སྐྱེས་ཏེ། གཡང་ས་ཟབ་མོ་དེ་ཉིད་དུ་ཞུགས
iiif viewer powered by OpenSeadragon
