| e-texts navigator |
| Wylie |
69a1 རོ་ཞེས་གསུངས་པས་སོ། །བྱང་ཆུབ་སེམས་དཔའ་ནི་གལ་ཏེ་འདོད་ཆགས་སྤྱོད་པའི་སེམས་ཅན་མཐོང་བར་གྱུར་ན། སེམས་ཅན་འདི་དག་འདོད་ཆགས་ཀྱི་གདུང
69a2 བས་བསྲེགས་པར་གྱུར་པ་ཡང་བདག་གིས་ཉེས་པ་ཡིན་ནོ་སྙམ་དུ་སེམས་སོ། །ཞེ་སྡང་དང་གཏི་མུག་གི་གདུང་བས་བསྲེགས་པར་གྱུར་པ་དེ་དག་མཐོང་ན་ཡང་འདི་དག་ཐམས་ཅད་ནི་བདག་གིས
69a3 ཉེས་པ་ཡིན་ནོ་སྙམ་དུ་སེམས་སོ། །དེ་ཅིའི་ཕྱིར་ཞེ་ན། བདག་གིས་སེམས་ཅན་ཐམས་ཅད་ན་བའི་སྡུག་བསྔལ་དང་ལྡན་པར་གྱུར་པ་དག་མཐོང་བར་གྱུར་ན་སྨན་ཡོངས་སུ་བཙལ་ཏེ་ཐབས
69a4 མཁས་པས་ཡོངས་སུ་གསོ་བའི་རིགས་པ་ལས། བདག་སྔོན་སེམས་ཅན་གྱི་ནད་བསལ་བར་ཡིད་དམ་བཅས་ན་དེང་ཡལ་བར་བོར་བ་འདི་ཉིད་བདག་གི་ཉེས་པ་ཡིན་ནོ་སྙམ་དུ་སེམས་པས
69a5 སོ|་|བྱང་ཆུབ་སེམས་དཔའ་ནི་དེ་ལྟ་བུའི་བསམ་པ་དང་ལྡན་པས་བདག་ཉིད་ཀྱི་ཉེས་པ་ལ་ལྟ་ཞིང་། སེམས་ཅན་རྣམས་ལ་བྱམས་པའི་སེམས་སྐྱེད་པར་བྱེད་དོ། །གལ་ཏེ་གསོད་པ་འམ
69a6 ལུས་ཀྱི་ཡན་ལག་དང་ཉིང་ལག་གཅོད་ཅིང་བཏུབ་པ་ཞིག་དང་ཕྲད་པར་གྱུར་ན་ཡང་ཕ་རོལ་གནོད་པ་བྱེད་པ་དེ་དག་ལ་ལན་བྱའོ་སྙམ་པའི་བསམ་པ་མེད་དོ། །གློག་ཐོབ། བྱང་ཆུབ
69a7 སེམས་དཔའ་དེ་ལྟར་ཡང་དག་པར་བསྒོམ་པ་ན་འདས་པའི་མི་དགེ་བའི་ལས་ཇི་སྙེད་པ་དག་ཀྱང་གཏན་དུ་ཟད་ཅིང་མ་ལུས་པར་འབྱུང་བར་འགྱུར་ལ། མ་འོངས་པའི་མི་དགེ་བ་རྣམས
iiif viewer powered by OpenSeadragon
