| e-texts navigator |
| Wylie |
68a1 ཡིད་ལ་བྱེད་ཅིང་། དོན་མེད་པར་དུས་ལས་འདའ་བར་བྱེད་པ་ཡང་ངས་རབ་ཏུ་མཁྱེན་ཅིང་གཟིགས་སོ། །འདོད་ཆགས་ཀྱིས་གདུངས་པས་ལུས་དང་ངག་གི་ལས་རྣམ་པ
68a2 སྣ་ཚོགས་སློང་བར་བྱེད་པ་དག་ཀྱང་ངས་རབ་ཏུ་མཁྱེན་ཅིང་གཟིགས་སོ། །ཞེ་སྡང་སྤྱོད་པའི་སེམས་ཅན་དེ་དག་ཞེ་སྡང་གི་ཟིལ་གྱིས་ནོན་པས་གཅིག་ལ་གཅིག་ཞེ་སྡང་གིས་ཕྲག་དོག་བྱེད་པ་དང་།
68a3 གནོད་པ་བྱས་པའི་ཕྱིར་མནར་མེད་པའི་གནས་སུ་ལྟུང་བར་འགྱུར་བ་དག་ཀྱང་ངས་རབ་ཏུ་མཁྱེན་ཅིང་གཟིགས་སོ། །གཏི་མུག་སྤྱོད་པ་དང་མཚུངས་པར་ལྡན་པའི་སེམས་ཅན་རྣམས་མ་རིག
68a4 པའི་མུན་ནག་གིས་བསྒྲིབས་ཤིང་རྨོངས་པས་མངོན་པར་ཞེན་པ་དང་། ལོག་པར་ལྟ་བའི་རྗེས་སུ་འབྲང་བ་ལ་མོས་པར་གྱུར་བ་དག་ཀྱང་ངས་རབ་ཏུ་མཁྱེན་ཏོ། །འོས་སུ་གྱུར་པ་དང་། འོས
68a5 སུ་མི་འགྱུར་བ་དང་། འཕེལ་ཞིང་རྩོལ་བ་དང་བཅས་པ་དང་། ལྡོག་ཅིང་ཉམས་པར་གྱུར་པ་དང་། དེ་བཞིན་གཤེགས་པའི་ཐེག་པར་དགེ་བའི་རྩ་བ་བསྐྱེད་པ་དང་། རང་སངས་རྒྱས་ཀྱི
68a6 ཐེག་པར་དགེ་བའི་རྩ་བ་བསྐྱེད་པ་དང་། ཉན་ཐོས་ཀྱི་ཐེག་པར་དགེ་བའི་རྩ་བ་བསྐྱེད་པ་དག་ཀྱང་ངས་རབ་ཏུ་མཁྱེན་ཏོ། །དེ་བཞིན་གཤེགས་པ་ནི་དེ་ལྟ་བུའི་མཁྱེན་པ་དང་ལྡན་པས་འཁོར
68a7 མ་ཨང་པོའི་ནང་དུ་ཞུགས་ནས་སེམས་ཅན་གྱི་སེམས་ཀྱི་སྤྱོད་པའི་བྱེ་བྲག་ཀྱང་རབ་ཏུ་མཁྱེན་པས་གལ་ཏེ་དུས་ལ་མ་བབ་པར་རིག་པར་གྱུར་ན་ནི་ཅང་མི་གསུང་ཞིང་གཏང་སྙོམས་སུ་བཞག
iiif viewer powered by OpenSeadragon
