| e-texts navigator |
| Wylie |
67a1 ཀུན་སྤྱན་ཕྲད། །རྟག་ཏུ་བསྙེན་བཀུར་རིམ་གྲོ་བྱས། །གཞན་ཡང་སངས་རྒྱས་བྱེ་བ་ཕྲག། བརྒྱད་ཅུ་དག་ལ་རིམ་གྲོ་བྱས། །དེ་ཡི་འོག་ཏུ་སངས་རྒྱས་པ། །དེ་ནི་ང་བདག་ཉིད
67a2 ཡིན་ནོ། །ཆོས་སྨྲ་ཉེས་པ་མེད་པ་ལ། །གནོད་པ་བྱས་པའི་དགེ་སློང་ནི། །མ་འོངས་མངོན་པར་འཚང་རྒྱབ། །བྱང་ཆུབ་སེམས་དཔའ་བྱམས་པ་ཡིན། །དེ་ཚེ་རྒྱལ་པོའི་ཕོ་བྲང་ནང་། །བཙུན་མོའི
67a3 འཁོར་ནི་བརྒྱད་ཁྲི་རྣམས། །ཤིན་ཏུ་དང་བས་དགེ་རྩ་བསྐྱེད། །སངས་རྒྱས་ཚད་མེད་རིམ་གྲོ་བྱས། །དེ་ལྟར་སྤྱོད་པ་རབ་བསྐྱེད་ནས། །སེམས་ཅན་ཕན་གདགས་སྨོན་ལམ་གདབ། །སངས་རྒྱས
67a4 བྱེ་བ་སྟོང་མཆོད་ནས། །སོ་སོར་མངོན་པར་འཚང་ཡང་རྒྱ། །ངས་དེང་ཁྱོད་ལ་བསྒོ་བ་ནི། །ཐམས་ཅད་གནོད་སེམས་མ་བསྐྱེད་ཅིག་།གང་གིས་བྱམས་བསྒོམས་སངས་རྒྱས་བསྔགས། །མྱུར
67a5 དུ་བྱང་ཆུབ་ཆེན་པོ་ཐོབ། །དེ་ལྟ་བས་ན། གློག་ཐོབ། སེམས་ཅན་རྣམས་ཀྱི་དབང་པོ་དང་། རང་བཞིན་དང་། བསམ་པ་དག་ལ་མི་མཁས་པ་དག་གིས་དུས་ཐམས་ཅད་དུ་གནོད་སེམས
67a6 བསྐྱེད་པར་མི་བྱའོ། །གློག་ཐོབ། འདི་ལྟ་སྟེ། དཔེར་ན། རི་རྣམས་ཀྱི་ནང་ན་རི་རབ་མཆོག་ཏུ་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན་མཆོག
67a7 དང་|་གཙོ་བོ་དང་། བླ་ན་མེད་པར་གྱུར་པ་ཡིན་ནོ། །འདི་ལྟ་སྟེ། དཔེར་ན། ཆུ་བོ་ཐམས་ཅད་ཀྱི་ནང་ན་རྒྱ་མཚོ་མཆོག་ཏུ་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ
iiif viewer powered by OpenSeadragon
