| e-texts navigator |
| Wylie |
66b1 རྒྱལ་སྲིད་སྤངས་ནས་ནི། །ནམ་འཚོའི་བར་དུ་སྐྱབས་སུ་མཆི། །དགེ་སློང་དེས་ནི་རྒྱལ་པོ་དང་། །གཡོག་འཁོར་བསམ་པ་རིག་གྱུར་ནས། །དམ་པའི་དོན་ནི་རབ་ཏུ་བཤད། །རྒྱལ་པོས་ཐོས་ནས
66b2 དད་པ་ཐོབ། །འཁོར་ནི་བྱེ་བ་བརྒྱ་སྟོང་དག་།རྒྱལ་སྲིད་སྤངས་ནས་རབ་ཏུ་བྱུང་། །སྦྱངས་པའི་སྡོམ་པ་བླངས་པས་ན། །གཞན་གྱིས་མགྲོན་གཉེར་ཡོང་མི་ལེན། །དེ་ཚེ་རྒྱལ་པོའི་ཕོ་བྲང་ནང་། །
66b3 བཙུན་མོ་འཁོར་བཅས་བརྒྱད་ཁྲི་རྣམས། །དམ་པའི་དོན་ནི་ཐོས་པས་ན། །ཕྱིར་མི་ལྡོག་ལ་གནས་པར་གྱུར། །རྒྱལ་པོས་སངས་རྒྱས་གསུངས་པ་བཞིན། །ལོ་ནི་ཉི་ཤུ་རྩ་བཞིའི་བར། །ཉིན
66b4 མཚན་རྟག་པར་སྡིག་བཤགས་ཀྱང་། །འོན་ཀྱང་སྡིག་པའི་ལས་མ་ཟད། །ལོ་ནི་བྱེ་མང་སྡུག་བསྔལ་མྱོང་། །སྡིག་ཟད་དེ་བཞིན་གཤེགས་དང་ཕྲད། །སྔོན་ནི་སྐྲག་པར་བྱས་པའི་རྒྱུས། །རྣམ་སྨིན
66b5 ལྷག་མ་རྟག་པར་སྨིན། །མཐར་གྱིས་རྣལ་འབྱོར་རབ་བསྒོམས་ཏེ། །སངས་རྒྱས་བྱེ་བ་སྟོང་མཆོད་ནས། །སོ་སོར་ཞིང་ཁམས་གཞན་དག་ཏུ། །ཐམས་ཅད་མངོན་པར་རྫོགས་སངས་རྒྱས། །
66b6 ཐམས་ཅད་ཀུན་དང་མཚན་མཐུན་པར། །ཡོན་ཏན་གྲགས་པ་ཞེས་བྱར་གྱུར། །དེ་ཚེ་རྒྱལ་པོ་རྒྱ་ཆེར་བྱིན། །དགེ་སློང་བྱམས་བཟོད་དེ་ལ་ནི། །གདུག་པའི་སེམས་ནི་བསྐྱོད་པས་ན། །ལོ་ནི
66b7 བྱེ་བ་མང་པོར་ཡང་། །སྔོན་གྱི་སྡིག་ལས་མངོན་གྱུར་པས། །དུ་འོད་ཆེན་པོར་ལྟུང་བར་འགྱུར། །རྣམ་སྨིན་དེ་ནི་ཟད་ནས་ཀྱང་། །སླར་ཡང་མི་ལུས་ཐོབ་གྱུར་ཏེ། །དེ་བཞིན་གཤེགས་པ
iiif viewer powered by OpenSeadragon
