| e-texts navigator |
| Wylie |
65b1 ག་ནས་མེད་དོ་སྙམ་མོ། །དེ་ནས་དེའི་ཚེ་བདུད་ཀྱི་འཁོར་རྣམས་པར་སྣང་ལས་ལུས་ཕྱེད་བསྟན་ནས། རྒྱལ་པོ་དེ་ལ་ཚིགས་སུ་བཅད་དེ་སྨྲས་པ། རྒྱལ་པོ་བཟོ་ཡི་སྒྱུ་རྩལ་སློབས། །དུས་ཚོད་དག་ལ
65b2 མཁས་པར་གྱིས། །རྒྱལ་པོས་དེ་ནི་མ་ཤེས་ན། །མི་རྒྱལ་རྟགས་དང་ལྡན་མ་ཡིན། །སངས་རྒྱས་ཉན་ཐོས་དགྲ་བཅོམ་པ། །ཡེ་ཤེས་ཆེན་པོ་ལྡན་པ་ཡིན། །ཚིག་དག་ལ་ནི་མི་རྟེན་པར། །ཅི་ཡི་ཕྱིར
65b3 ན་ཆད་པར་ལྟ། །དགེ་སློང་རྣམས་ནི་ཕན་གདགས་ཕྱིར། །ཁྱོད་ལ་བདེན་ཚིགས་སྨྲས་པ་ཡིན། །ཆད་སྨྲ་ངན་འགྲོར་འགྲོ་བའི་མི། །ཡང་དག་ཚངས་སྤྱོད་མ་ཡིན་པས། །དེ་ནི་རྒྱལ་པོའི་ཕོ་བྲང་དུ། །བཙུན
65b4 མོ་དག་དང་ལྷན་ཅིག་རྩེ། །རྒྱལ་པོ་འཁོར་དང་བཅས་པ་ཡིས། །ལེགས་པར་རྟོགས་ལ་ཐེ་ཚོམ་སོལ། །རྒྱལ་པོས་དངོས་པོ་འདི་ཐོས་པས། །སེམས་ལ་སྐྲག་ཅིང་མྱ་ངན་སྐྱེས། །འཁོར་རྣམས
65b5 དང་ནི་ལྷན་ཅིག་ཏུ། །མྱུར་ཞིང་རིངས་པར་ཕོ་བྲང་དོང་། །དེ་ཚེ་དྲི་མེད་ཕོ་བྲང་ནང་། །ཆོས་རྣམས་རང་བཞིན་སྟོང་པ་དང་། །བདག་དང་སེམས་ཅན་མེད་པ་ཡི། །དམ་པའི་དོན་ནི་སྟོན་པར་བྱེད། །
65b6 རྒྱལ་པོ་དམག་འཁོར་བཅས་པ་རྣམས། །ཐམས་ཅད་བདུད་ཀྱིས་བསླུས་པས་ན། །ཕོ་བྲང་ནང་གི་བཙུན་མོ་རྣམས། །དགེ་སློང་ཡོངས་བསྐོར་མཐོང་བ་དང་། །ཞེ་སྡང་གླང་ཆེན་མྱོས་འདྲ་བས། །
65b7 གཤེད་མ་དག་ལ་རབ་བསྒོ་བ། །དགེ་སློང་ང་ཡི་བཙུན་མོ་བསླུས། །སྡུག་བསྔལ་ཆོས་ཀྱི་ཆད་པས་ཆོད། །བློན་པོ་འཁོར་དང་བཅས་པ་རྣམས། །ཐམས་ཅད་བདུད་ཀྱིས་ཟིན་པས་ན། །དགེ་སློང
iiif viewer powered by OpenSeadragon
