| e-texts navigator |
| Wylie |
65a1 ཅན་བརྒྱ་སྟོང་ཚད་མེད་པ་སྙེད་ཡོངས་སུ་བཏུལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་པར་གྱུར་ཏོ། །དེའི་ཚེ་དགེ་སློང་སྡིག་ཅན་མང་པོ
65a2 རྣལ་འབྱོར་ཁོང་དུ་མ་ཆུད་པ། རྟག་པར་ཕྲག་དོག་དང་བཅས་པ། བདུད་ཀྱིས་བསླུས་པ་རྣམས་རྒྱལ་པོ་དེ་ག་ལ་བ་དེར་དོང་སྟེ། འདི་སྐད་དུ་རྒྱལ་པོས་བཀུར་བའི་དགེ་སློང་དྲི་མ་མེད་པ་ནི
65a3 རྒྱལ་པོའི་ཕོ་བྲང་དུ་འབྱུང་ཞིང་འཇུག་པ་ལ་ཐགས་ཐོགས་མ་མཆིས་ཏེ། དགེ་སློང་ནི་འདོད་ཆགས་དང་བྲལ་བ་ཡང་མ་ལགས་ལ། དུས་མ་ལགས་པར་ཡང་ཟས་འཚལ་ཏེ། སྤོས་དང་ཕྲེང
65a4 བ་དག་གིས་ཀྱང་ལུས་བརྒྱན་པར་བགྱིས་པས། ཡང་དག་པར་ཚངས་པར་སྤྱོད་པ་མ་ལགས་པས་མཆོད་པ་མཛད་པ་མི་རིགས་སོ། །བདག་ཅག་ནི་དོན་འདིའི་སླད་དུ་འདིར་མཆིས་ནས
65a5 རྒྱལ་པོ་ལ་གསོལ་བ་ལགས་ཀྱི། སླད་ཀྱིས་འགྱོད་པར་ཡང་མ་མཛད་ཅིག། སངས་རྒྱས་ཀྱི་ཡང་དག་པའི་བསྟན་པ་ལ་ཐུགས་མི་ཆེས་པ་ཡང་མི་བསྐྱེད་དུ་གསོལ་ཞེས་སྨྲས་སོ། །དེའི
65a6 ཚེ་བདུད་སྡིག་ཅན་ཞེས་བྱ་བ་ཞིག་ཀྱང་བདག་ཉིད་དགེ་སློང་གི་གཟུགས་སུ་བསྒྱུར་ནས། རྒྱལ་པོ་དེ་ག་ལ་བ་དེར་སོང་སྟེ། སྔ་མ་བཞིན་དུ་སྨྲས་སོ། །དེའི་ཚེ་རྒྱལ་པོ་རྒྱ་ཆེར་བྱིན་པས
65a7 ཡང་དང་ཡང་དུ་དེ་སྐད་སྨྲས་པ་ཐོས་ཀྱང་འདི་སྙམ་དུ་དགེ་སློང་དྲི་མ་མེད་པ་ནི་རབ་ཏུ་བརྩོན་ཞིང་བློ་དང་ལྡན་པས་བདག་གིས་བླ་མར་བཀུར་བ་ཡིན་ཏེ། དངོས་པོ་འདི་ལྟ་བུ་བྱེད་པ་ནི
iiif viewer powered by OpenSeadragon
