| e-texts navigator |
| Wylie |
64b1 པར་གྱུར་པས། གོས་དང་། བཟའ་བ་དང་། བཏུང་བ་དང་། མལ་སྟན་དང་། ན་བའི་གསོས་སྨན་རྣམ་པ་སྣ་ཚོགས་ཀྱིས་ཀྱང་རིམ་གྲོ་བྱས་པར་གྱུར་ཏོ། །དེའི་ཚེ་འཁོར་མང་པོ་དེ་ལས་དགེ་སློང་ཕལ
64b2 ཆེར་ལུས་ཀྱི་སྡོམ་པ་དང་། སེམས་ཀྱི་ཤེས་རབ་བསྒོམ་པ་མི་ཤེས་པ། སངས་རྒྱས་དང་། ཆོས་དང་། དགེ་འདུན་ལ་གུས་པ་མེད་པ། རྟག་པར་ལྟ་བ་དང་། ཆད་པར་ལྟ་བ་དང་། བདག་ཏུ་ལྟ་བ
64b3 ལ་སོགས་པ་དང་ལྡན་པ། སངས་རྒྱས་ཀྱི་ཆོས་ལ་སྐུར་བ་འདེབས་པ། རྣམ་པར་གཡེང་ཞིང་གདུལ་དཀའ་བ། དབང་པོ་རྣམས་མི་སྡོམ་པ། ཆོས་བཞིན་མ་ཡིན་པ་ལ་གནས་པ། དགེ་སྦྱོང་གི
64b4 ཚུལ་མེད་པར་བདག་ཉིད་དགེ་སྦྱོང་དུ་ཁས་འཆེ་བ། ལུས་དང་། ངག་དང་། ཡིད་ཀྱི་ལས་ཐམས་ཅད་ལོག་པར་བཞུགས་པ་ཤ་སྟག་གནས་པར་གྱུར་ཏོ། །དེའི་ཚེ་བཅོམ་ལྡན་འདས་དེ་དབྱར
64b5 འདས་ནས་ཡོངས་སུ་མྱ་ངན་ལས་འདས་པ་དང་། རྒྱལ་པོ་རྒྱ་ཆེར་བྱིན་པས་ཙན་དན་དམར་པོས་སྐུ་ཞུགས་ལ་བཞེན་ནས་མཆོད་པ་བྱས་ཏེ། རིང་བསྲེལ་གྱི་མཆོད་རྟེན་ངོས་བཞི་ཀུན་ཏུ་ཙན་དན
64b6 དམར་པོའི་མུ་ཁྱུད་ཀྱིས་བསྐོར་བ། པདྨ་གསེར་གྱི་ཁ་དོག་དང་ལྡན་པ། བྱེ་བ་ཕྲག་བརྒྱད་ཅུ་བརྩིགས་སོ། །དེའི་ཚེ་དགེ་སློང་དྲི་མ་མེད་པ་ནི་བཅོམ་ལྡན་འདས་དེས་མང་དུ་ཐོས་པའི་མཆོག་ཏུ
64b7 ལུང་བསྟན་པས། དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་པའི་འོག་ཏུ་དམ་པའི་ཆོས་རྒྱ་ཆེར་སྤེལ་ཏེ། གྲོང་དང་། གྲོང་ཁྱེར་དང་། གྲོང་རྡལ་གང་དང་གང་དུ་སོང་བ་དེར་སེམས
iiif viewer powered by OpenSeadragon
