| e-texts navigator |
| Wylie |
64a1 གདུལ་དཀའ་བར་གྱུར་ཏོ། །དེའི་ཚེ་བཅོམ་ལྡན་འདས་དེ་ཡང་སྔོན་གྱི་སྨོན་ལམ་གྱི་མཐུས་དུས་ངན་པ་དེའི་ཚེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན
64a2 པར་རྫོགས་པར་སངས་རྒྱས་པར་གྱུར་ཏེ། བཅོམ་ལྡན་འདས་དེ་ལ་ཉན་ཐོས་ཆེན་པོའི་ཚོགས་ནི་ཉི་ཁྲི་ཉིས་སྟོང་མངའ་བར་གྱུར་ཏོ། །དེའི་ཚེ་དེའི་དུས་ན་རྒྱལ་པོ་རྒྱ་ཆེར་བྱིན་པ་ཞེས་བྱ་བ་འཛམ
64a3 བུའི་གླིང་ལ་དབང་བའི་དབང་ཕྱུག་དང་ལྡན་པ། སངས་རྒྱས་ཀྱི་བསྟན་པ་ལ་སེམས་ཤིན་ཏུ་དང་བར་གྱུར་པ་ཞིག་ཡོད་པ་དེས། དེ་བཞིན་གཤེགས་པ་དེ་ཉན་ཐོས་ཀྱི་དགེ་འདུན་དང་བཅས
64a4 པར་དབྱར་ཟླ་བ་གསུམ་སྤྱན་དྲངས་ཏེ། མཆོད་པ་རྒྱ་ཆེར་བཤམས་ནས། མཆོད་ཅིང་རིམ་གྲོ་བྱས་སོ། །དེའི་ཚེ་དགེ་སློང་དྲི་མ་མེད་པ་ཞེས་བྱ་བ་སྤོབས་པ་ཕུན་སུམ་ཚོགས་པ། ཆོས་སྟོན
64a5 པའི་ཐབས་ལ་མཁས་པས་འཁོར་མང་པོ་རྣམས་ཉན་པར་སྤྲོ་བ། སེམས་ཅན་ཡོངས་སུ་སྨིན་པར་བྱེད་པ་ལ་རྟག་པར་ངལ་བ་མེད་པ། རེ་བ་མེད་པར་ཆོས་སྟོན་པ། མདོག་གསལ་ཞིང
64a6 གསོང་པོར་སྨྲ་བ། གཟུགས་དང་སྟོབས་ཕུན་སུམ་ཚོགས་པ། བྱད་བཞིན་སྡུག་ཅིང་མཛེས་པ། སེམས་ཅན་རྣམས་ཀྱིས་མཐོང་བར་མོས་ཤིང་། རིམ་གྲོ་དང་། བཀུར་སྟི་དང་། བླ་མར
64a7 བྱེད་ཅིང་བསྔགས་པ་བརྗོད་པ་ཞིག་ཡོད་དེ། དགེ་སློང་གསར་བུ་དག་ཀྱང་རྟག་པར་དྲི་མ་མེད་པའི་རྗེས་སུ་འབྲང་ཞིང་། རྒྱལ་པོའི་ཕོ་བྲང་འཁོར་དུ་འབྱུང་ཞིང་འཇུག་པ་དག་ལ་ཐོགས་པ་མེད
iiif viewer powered by OpenSeadragon
