| e-texts navigator |
| Wylie |
63a1 བྱང་ཆུབ་སེམས་དཔའི་མ་འདྲེས་པའི་ཆོས་ཞེས་བྱའོ། །གཞན་ཡང་། འདི་ལྟ་སྟེ། དཔེར་ན། རིའི་རྒྱལ་པོ་རི་རབ་ཀྱི་མ་འདྲེས་པའི་མཚན་ཉིད་ནི། འདི་ལྟ་སྟེ། རིན་པོ
63a2 ཆེ་སྣ་བཞི་ལས་མངོན་པར་གྲུབ་པ་ཡིན་པས། སེམས་ཅན་རྣམས་ཀྱང་དེའི་རྗེས་སུ་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམ་པ་སྣ་ཚོགས་ཀྱི་མཚན་ཉིད་དུ
63a3 འགྱུར་བར་བྱེད་དེ། གལ་ཏེ་བཻ་ཌཱུཪྻའི་ངོས་སུ་ཕྱིན་ན་ནི། ཐམས་ཅད་ཀྱང་བཻ་ཌཱུཪྻའི་ཁ་དོག་གཅིག་པ་ཉིད་དུ་འགྱུར་བར་བྱེད་དོ། །གསེར་གྱི་ཁ་དོག་གི་ངོས་སུ་ཕྱིན་ན་ནི། ཐམས
63a4 ཅད་གསེར་གྱི་ཁ་དོག་ཉིད་དུ་འགྱུར་བར་བྱེད་དོ། །དངུལ་དང་། ཆུ་ཤེལ་གྱི་ཁ་དོག་ཏུ་གྱུར་པ་ཡང་དེ་བཞིན་ནོ། །དེ་བཞིན་དུ་བྱང་ཆུབ་སེམས་དཔའ་ཡང་མ་འདྲེས་པའི་ཆོས་ཐོབ
63a5 པས་སེམས་ཅན་རྣམས་ཀྱི་འདོད་ཆགས་དང་། ཞེ་སྡང་དང་། གཏི་མུག་དང་། དགེ་བ་དང་། མི་དགེ་བ་ཇི་སྙེད་པ་དེ་དག་བྱང་ཆུབ་སེམས་དཔའི་ཐད་དུ་ཕྱིན་ཅིང་ལྷན་ཅིག་འགྲོགས
63a6 པར་གྱུར་ན། ཐམས་ཅད་བྱང་ཆུབ་སེམས་དཔའི་ཡེ་ཤེས་ལ་འཇུག་པ་ཉིད་དུ་འགྱུར་བར་བྱེད་ཀྱང་དེའི་སེམས་མི་གཙང་ཞིང་། རང་གི་སྡིག་པའི་ལས་ཀྱི་དབང་གིས་སེམས
63a7 ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་ལྷུང་བར་གྱུར་པས། འདི་ལྟར་བྱང་ཆུབ་སེམས་དཔའི་མ་འདྲེས་པའི་ཡོན་ཏན་དང་། སྨོན་ལམ
iiif viewer powered by OpenSeadragon
