| e-texts navigator |
| Wylie |
59b1 རོ་སྙམ་དུ་སེམས་པ་མེད་དེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཞེ་སྡང་སྤྱོད་པའི་གཏེར་ཞེས་བྱའོ། །བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན།
59b2 བསྐལ་པའམ། བསྐལ་པ་ལས་ལྷག་པར་སེམས་ཅན་གྱི་མོས་པ་རྣམ་པ་སྣ་ཚོགས་ཀྱི་རྗེས་སུ་ཚིག་འབྲུ་དང་། ཡི་དགེ་དང་། བརྗོད་པ་རྣམ་པ་སྣ་ཚོགས་ཀྱི་ཐབས་མཁས་པས་ཆོས་སྟོན
59b3 པར་བྱེད་ཀྱང་། ཞེ་སྡང་སྤྱོད་པའི་མཐའ་རྙེད་པར་མི་འགྱུར་ལ། བྱང་ཆུབ་སེམས་དཔའ་དེའི་ཤེས་རབ་དང་། སྤོབས་པ་ཡང་གཏུགས་པར་མི་འགྱུར་ཏེ། འདི་ནི་བྱང་ཆུབ་སེམས་དཔའ
59b4 ཆོས་ཀྱི་དབྱིངས་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་ཞེ་སྡང་སྤྱོད་པའི་གཏེར་ཞེས་བྱའོ། །གཞན་ཡང་། གློག་ཐོབ། བྱང་ཆུབ་སེམས་དཔའ་སེམས་དཔའ
59b5 ཆེན་པོ་རྣམས་ཀྱི་གཏི་མུག་སྤྱོད་པའི་གཏེར་ཞེས་བྱ་བ་ཇི་ལྟར་བུ་ཞེ་ན། གློག་ཐོབ། བྱང་ཆུབ་སེམས་དཔའ་རྣམས་ཀྱི་སྤྱོད་པ་འདི་ལྟ་བུ་འདི་ནི་ཤིན་ཏུ་དཀར་བའི་དངོས་པོ་ཡིན་ཏེ། འདི
59b6 ལྟར་སེམས་ཅན་རྣམས་ནི་ཉོན་མོངས་པའི་རྗེས་སུ་འབྲང་བ་གཞན་ལ་གནོད་པར་བྱེད་པ། མ་རིག་པའི་མངལ་གྱི་སྒོ་ངས་ཀུན་དུ་དཀྲིས་པ། དར་གྱི་སྲིན་བུ་བཞིན་དུ་བདག་ཉིད་བཅིངས
59b7 པས་ཆོས་ཀྱི་དབྱིངས་རྟོགས་པའི་ཐབས་མེད་པ། བྱ་བ་དག་ལ་ལེགས་པར་སོ་སོར་མི་རྟོག་པ། བདག་ཏུ་ལྟ་བ་ལ་མངོན་པར་ཞེན་པ། ལམ་ལོག་པར་ཞུགས་པ། བྱིས་པའི་སྤྱོད་པ་ལ
iiif viewer powered by OpenSeadragon
