| e-texts navigator |
| Wylie |
58b1 ཡང་|་གློག་ཐོབ། བྱང་ཆུབ་སེམས་དཔའ་ནི་གལ་ཏེ་སེམས་ཅན་ཞེ་སྡང་ཅན་དག་མཐོང་བར་གྱུར་ན། འདི་སྙམ་དུ་ཆོས་ཐམས་ཅད་ནི་རང་བཞིན་གྱིས་རྣམ་པར་དག་པ་ཡིན་ན། ཀྱེ་མ་སེམས
58b2 ཅ་ཨན་འདི་དག་ནི་ཞེ་སྡང་གི་རྗེས་སུ་འབྲངས་ནས་ཡང་དག་པག་མ་ཡིན་པས་རྣམ་པར་རྟོག་པ་བསྐྱེད་ནས་མཉམ་ཞིང་རྩོད་པ་མེད་པའི་ཆོས་ཉིད་འདི་ལ་ཞེ་སྡང་གི་བསམ་པ་བསྐྱེད་པས་སེམས་ཅན
58b3 འདི་དག་ཆོས་ཀྱི་དབྱིངས་ཉིད་མ་རྟོགས་པར་གྱུར་ཏོ། །གལ་ཏེ་སེམས་ཅན་འདི་དག་ཆོས་ཉིད་མཐོང་བར་གྱུར་ན་ནི་གཞན་དག་ལ་གནོད་སེམས་བསྐྱེད་པར་མི་འགྱུར་བ་ཞིག་ན་ཆོས་ཀྱི་དབྱིངས
58b4 ཀྱི་ངོ་བོ་ཉིད་མ་རྟོགས་པས། དེའི་ཕྱིར་ཞེ་སྡང་སྐྱེས་པར་གྱུར་ཏོ་ཞེས་བྱང་ཆུབ་སེམས་དཔའ་དེས་ཞེ་སྡང་མང་བའི་སེམས་ཅན་དེ་དག་ལ་ལྷག་པར་སྙིང་བརྩེ་བ་བསྐྱེད་ནས་སྙིང་རྗེ་ཆེན་པོ་ལ
58b5 གནས་ཏེ། སྔོན་གྱི་སྨོན་ལམ་ཡོངས་སུ་རྫོགས་པར་བྱེད་ལ་རྩོལ་བ་མེད་པའི་ཡེ་ཤེས་ཀྱིས་སེམས་ཅན་གྱི་ཞེ་སྡང་གི་སྤྱོད་པ་རྣམ་པར་གཞིག་པའི་ཕྱིར་ཆོས་ཀྱི་སྒོ་མོ་རྣམ་པ་སྣ་ཚོགས་ཡང་དག
58b6 པར་སྟོན་པར་བྱེད་ཀྱང་བདག་གིས་སེམས་ཅན་གྱི་ཞེ་སྡང་བསལ་བའི་ཕྱིར་ཆོས་བསྟན་ཏོ་སྙམ་དུ་མི་སེམས་སོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔས་ཆོས་ཀྱི་དབྱིངས་ཀྱི་མཚན་ཉིད
58b7 ཤིན་ཏུ་ལེགས་པར་རྟོགས་པའི་ཕྱིར་རོ། །འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལ་གནས་ནས་ཉོན་མོངས་པའི་སྤྱོད་པ་རབ་ཏུ་བསལ་བ་ཞེས་བྱའོ། །
iiif viewer powered by OpenSeadragon
