| e-texts navigator |
| Wylie |
53a1 རྒྱས་ཞིང་དང་སྐུ་ཚེ་དང་། །གཟུགས་སྐུ་དང་ནི་འཁོར་རྣམས་དང་། །ཕྲིན་ལས་གསུམ་དང་ཆོས་རྣམས་ཀྱང་། །ཐམས་ཅད་ཀུན་ནི་རྣམ་པར་དག། བཅོམ་ལྡན་བྱང
53a2 ཆུབ་སེམས་དཔའ་ཡི། །རྣམ་དག་སྤྱོད་པ་བཀས་བཤད་གསོལ། །ཇི་ལྟར་བདུད་ནི་གདུལ་བར་བགྱི། །ཇི་ལྟར་ཆོས་རྣམས་བསྟན་པར་བགྱི། །ཇི་ལྟར་དྲན་པ་ཉམས་མི་འགྱུར། །ཁྱོད་ཀྱི་བཀས
53a3 ནི་བཤད་དུ་གསོལ། །ཇི་ལྟར་དཔའ་བོ་དག་གིས་ནི། །འཁོར་བ་ཀུན་དུ་ཞུགས་གྱུར་ཀྱང་། །མཚན་ཉིད་གཅིག་ལ་གནས་བགྱིད་ཅིང་། །ཆོས་ལ་རྟག་ཏུ་གཡོ་མི་འགྱུར། །ཇི་ལྟར་སངས་རྒྱས
53a4 རྣམས་ལ་ནི། །རྟེན་ཅིང་མཆོད་པ་བགྱིས་ན་ནི། །རྟག་པར་སངས་རྒྱས་སྐུ་བལྟས་ཀྱང་། །མཐར་ནི་མཚན་མ་སྤོང་འགྱུར་ལགས། །རྣམ་ཐར་གསུམ་པོ་མངོན་བགྱིས་ཀྱང་། །མཁའ་ལ་བྱ་ནི
53a5 འཕུར་བ་བཞིན། །ཡོན་ཏན་ཕུན་ཚོགས་མ་གྱུར་བར། །ནམ་ཡང་མྱ་ངན་མི་འདའ་ལགས། །དབང་པོ་རང་བཞིན་ཡོངས་རྟོགས་ནས། །འཇིགས་པ་མ་མཆིས་རྗེས་འབྲང་ཞིང་། །མངོན་པར
53a6 ཞེན་པ་མ་མཆིས་པར། །སེམས་ཅན་དེ་དག་སྨིན་བགྱིད་ལགས། །སྔར་ནི་འཇིག་རྟེན་བདེ་བཏང་ནས། །སླད་ཀྱིས་དང་བའི་སེམས་བསྐྱེད་དེ། །ཡེ་ཤེས་གྱ་ནོམ་ཕུན་ཚོགས་པས། །བླ
53a7 མེད་བྱང་ཆུབ་འཐོབ་འགྱུར་བ། །འདི་འདྲའི་ཟབ་མོ་གྱ་ནོམ་དོན། །དེ་བཞིན་གཤེགས་པས་བཀས་བཤད་གསོལ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས
iiif viewer powered by OpenSeadragon
