| e-texts navigator |
| Wylie |
52b1 གཡོས་པར་ཡང་སངས་རྒྱས་ཀྱི་ཞིང་ཀུན་ཏུ་རྒྱུ་ཞིང་། རྟག་པར་དེ་བཞིན་གཤེགས་པའི་གཟུགས་ཀྱི་སྐུ་མཐོང་བ་དང་། འབྲལ་བར་མི་འགྱུར་བ་དང་། རྣམ་པར་ཐར་པ་གསུམ་ལ་རབ་ཏུ་གནས་ཀྱང
52b2 སྙོམས་པར་མི་འཇུག་པར་སེམས་ཅན་གྱི་མོས་པ་ཇི་ལྟ་བ་བཞིན་དུ། སངས་རྒྱས་ཀྱི་ཞིང་གི་བཀོད་པ་ཡོངས་སུ་སྦྱངས་ནས་སྐད་ཅིག་མ་གཅིག་ལ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང
52b3 ཆུབ་མངོན་པར་འཚང་རྒྱ་བར་འགྱུར་ལགས། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ཀྱིས། བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་ཞུ་བ་ཞུས་པ། བླ་ན་མ་མཆིས
52b4 མི་ཡི་གཙོ། །མཁྱེན་དང་གཟིགས་པ་ཚད་མ་མཆིས། །མ་འདྲེས་ཆོས་ལ་བཞུགས་ནས་ནི། །འཇིག་རྟེན་རྣམས་ལ་ཕན་འདོགས་མཛད། །སེམས་ཅན་ཀུན་ལ་སྙོམས་པར་གཟིགས། །འཇིག་རྟེན
52b5 ཀུན་གྱི་མགོན་སྐྱབས་མཛད། །ལོག་དང་ཡང་དག་ལམ་བསྟན་ནས། །མཐར་ཐུག་བདེ་ལ་དགོད་པར་མཛད། །ཡོན་ཏན་མཆོག་ནི་རབ་བསགས་པས། །རིན་ཆེན་སྣ་ཚོགས་ཕུང་པོ་འདྲ། །འཇིག
52b6 རྟེན་ཤེས་རབ་ཉི་མ་ཁྱོད། །ཁམས་གསུམ་མཆོད་འོས་གཙོ་བོ་ལགས། །ཐེག་པ་ཆེན་པོ་བཀས་བཤད་ནས། །བྱང་ཆུབ་ལམ་ནི་རྫོགས་པར་མཛོད། །ཞལ་མཚན་ཟླ་བ་ཉ་བ་འདྲ། །ཞི་གནས
52b7 དག་ནི་ཕུན་སུམ་ཚོགས། །ཉེར་ཞི་ཆོས་ནི་རབ་བསྟན་ནས། །ཉོན་མོངས་རྣམས་ནི་ཞི་བར་མཛད། །བྱང་ཆུབ་སྤྱོད་པ་བཀས་བཤད་ནས། །སེམས་ཅན་རྣམས་ལ་ཕན་མཛད་གསོལ། །སངས
iiif viewer powered by OpenSeadragon
