| e-texts navigator |
| Wylie |
52a1 ནས|་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ
52a2 ཏོ|་|བཅོམ་ལྡན་འདས། བདག་ལ་ཐེ་ཚོམ་ཅུང་ཟད་ཅིག་མཆིས་ཏེ། དེང་ཞུ་བར་འཚལ་ན། དེ་བཞིན་གཤེགས་པས་ཐུགས་རྗེས་གསན་ཅིང་གནང་བར་མཛད་དུ་གསོལ། དེ་ནས
52a3 བཅོམ་ལྡན་འདས་ཀྱིས་བྱང་ཆུབ་སེམས་དཔའ་གློག་ཐོབ་ལ་བཀའ་སྩལ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ལ་སྐབས་ཕྱེའི།
52a4 ཁྱོད་ཅི་དང་ཅི་འདོད་པ་དྲིས་ཤིག་དང་། ཁྱོད་ལ་ཡང་དག་པར་བསྟན་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་གློག་ཐོབ་ཀྱིས་འདི་སྐད་ཅེས་གསོལ་ཏོ། །བཅོམ
52a5 ལྡན་འདས། བྱང་ཆུབ་སེམས་དཔའ་ཆོས་ཇི་ལྟ་བུ་ཞིག་དང་ལྡན་པར་གྱུར་ན། སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བགྱིད་ཅིང་། སྐྱོན་རྣམས་ཀྱིས་གོས
52a6 པར་མི་འགྱུར་བ་དང་། དབང་པོ་དང་། རང་བཞིན་ཇི་ལྟ་བ་བཞིན་དུ་ཐབས་མཁས་པས་སེམས་ཅན་དེ་དག་དྲངས་ཏེ། ལུས་ཞིག་པའི་འོག་ཏུ་ངན་འགྲོ་རྣམས་སུ་ལྟུང་བར་མི་འགྱུར
52a7 ཞིང་|་གདོན་མི་འཚལ་བར་མཉམ་པ་ཉིད་རྟོགས་པར་འགྱུར་བ་དང་། འཇིག་རྟེན་ན་གནས་ཀྱང་པདྨ་བཞིན་སྐྱོན་གྱིས་གོས་པར་མི་འགྱུར་བ་དང་། ཆོས་ཀྱི་དབྱིངས་ལས་མ
iiif viewer powered by OpenSeadragon
