| e-texts navigator |
| Wylie |
356a1 དེ་ལྟ་ལགས་པས། གལ་ཏེ་ཁྱོད་དེ་བཞིན་གཤེགས་པ་ལ་ཕྱག་འཚལ་ན། ཁྱོད་ལ་ཡང་བདེ་ལེགས་སུ་འགྱུར་ལགས་སོ། །དེ་ནས་བད་སའི་རྒྱལ་པོ
356a2 འཆར་བྱེད་འཇིགས་ཤིང་དངངས་ལ། སྒྱིད་ལུག་ཅིང་སྤུ་ཟིང་ཞེས་བྱེད་པར་གྱུར་ཏེ། ས་ལ་འགྱེལ་ནས་བཙུན་མོ་སྔོ་སངས་ཅན་ལ་ཚིགས་སུ་བཅད་དེ་སྨྲས་པ། ཁྱོད་ནི་ལྷ་མོའམ
356a3 དྲི་ཟ་མོ། །ཤ་ཟ་མོའམ་སྲིན་མོའམ། །ངས་ནི་ཇི་ལྟར་གཟུང་བར་བྱ། །ང་ཡིས་དྲིས་པ་དེ་སྨྲོས་ཤིག། གང་ལ་མཚོན་གྱིས་མི་གནོད་པའི། །བུད་མེད་འགའ་ཡང་ཡོད་མིན་ཏེ། །
356a4 ངས་ནི་འདི་ལ་གང་དུ་ཡང་། །ཐོས་སམ་མཐོང་ངམ་ཤེས་པའང་མེད། །ང་ནི་སྟོབས་ལྡན་བརྩོན་འགྲུས་ཅན། །འཕོངས་གི་ཤེས་པ་ལེགས་བསླབས་པས། །ང་ཡི་མདའ་འདི
356a5 གདོན་མི་ཟ། །ནམ་ཡང་མི་ཕོག་ཡོང་མིན་ཏེ། །སྤྲེའུའམ་ཡང་ན་བྱ་དང་ནི། །མིའམ་ཡང་ན་འབེན་ཡང་རུང་། །གང་ལ་ང་ཡིས་མདའ་འཕངས་པ། །ནམ་ཡང་མི་ཕོག་ཡོད
356a6 མིན་ན། །དེ་རིང་མདའ་འདི་འཕངས་པ་ནི། །བཟློག་པའི་ཚུལ་དུ་ཕྱིར་འོངས་ཏེ། །ལུས་ལ་གནོད་པ་མེད་པ་ནི། །ང་ཡི་མདུན་དུ་འདུག་པར་གྱུར། །གཞན་གྱི་ཚིག་ནི་མཉན་ནས
356a7 ཀྱང་། །ང་ནི་ཁྱོད་ལ་གསོད་འདོད་ན། །ང་ནི་ཁྱོད་ལ་སྐྱབས་སུ་འགྲོ། །སྡུག་བསྔལ་གྱུར་པ་ང་ལ་སྐྱོབས། །ཕྱིན་ཆད་འདི་འདྲ་མི་བྱེད་ཀྱི། །སྡུག་བསྔལ་བ་ལ་དེང་བཟོད་ཀྱི། །ཁྱོད
iiif viewer powered by OpenSeadragon
