| e-texts navigator |
| Wylie |
355b1 དཔེ་མེད་ཀྱིས་དབྱེན་བྱས་པས། བཅོམ་ལྡན་འདས་དང་། ཉན་ཐོས་ཀྱི་དགེ་འདུན་རྣམས་ལ་ཐ་བ་དང་། འཁྲུག་པ་དང་། ཁྲོ་བ་སྐྱེས་པར་གྱུར་ཏོ། །དེ་ཡི་མ་རངས་ཤིང་། ཁྲོ་བ་དང་རྔམ
355b2 པས་ཟིལ་གྱིས་ནོན་པས། བཙུན་མོ་སྔོ་སངས་ཅན་གསད་པའི་ཕྱིར་གཞུ་བདུངས་ནས། མདའ་སྟེའུ་ཀ་ཉ་རྔ་མ་བླངས་ཏེ་འཕངས་སོ། །དེ་ནས་དེའི་མོད་ལ་བཙུན་མོ་སྔོ་སངས་ཅན་གྱིས།
355b3 བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཞེས་བཅོམ་ལྡན་འདས་ལ་ཕྱག་བྱས་ཤིང་། བཅོམ་ལྡན
355b4 འདས་ཀྱི་བསྔགས་པ་བརྗོད་ནས། བྱམས་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འདི་ལྟར་སངས་རྒྱས་ཀྱི་མཐུས། མདའ་སྟེའུ་ཀ་ཉ་རྔ་མ་དེ་དེ་ནས་ཕྱིར་ལོག་སྟེ། བད
355b5 སའི་རྒྱལ་པོ་འཆར་བྱེད་དེ་ཉིད་ཀྱི་མགོ་བོའི་དྲང་ཐད་ཀྱི་སྟེང་གི་བར་སྣང་ལ་འབར། རབ་ཏུ་འབར། ཀུན་དུ་རབ་ཏུ་མཆེད་དེ། འབར་ཞིང་མེ་ལྕེ་གཅིག་ཏུ་གྱུར་ཏེ། ཕར་འགྲོ། ཚུར
355b6 འགྲོ་ཞིང་འདུག་འདུག་ནས། བད་སའི་རྒྱལ་པོ་འཆར་བྱེད་ད་ལ་བ་དེར་སོང་ནས། བད་སའི་རྒྱལ་པོ་འཆར་བྱེད་ཀྱི་གཡོན་རོལ་ལོགས་སུ་འདུག་པར་གྱུར་ཏེ། དེའི་ལུས་ལ་ནི
355b7 མ་ཕོག་གོ་། ལན་གཉིས་ལན་གསུམ་དུ་དེ་ལྟར་གྱུར་པ་དང་། དེ་ནས་བཙུན་མོ་སྔོ་སངས་ཅན་གྱིས། བད་སའི་རྒྱལ་པོ་འཆར་བྱེད་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ།
iiif viewer powered by OpenSeadragon
