| e-texts navigator |
| Wylie |
355a1 རྒྱ་གར་གྱི་མཁན་པོ་ཇི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་བཅད་ཀྱིས་ཀྱང་བཅོས་ནས་གཏན
355a2 ལ་ཕབ་པ། ། །།རྒྱ་གར་སྐད་དུ། ཨཱཪྻ་ཨུ་ད་ཡ་ན་བད་ས་རཱ་ཛ་བ་རི་པྲྀ་ཙྪཱ་ནཱ་མ་པ་རི་བརྟ། བོད་སྐད་དུ། འཕགས་པ་བད་སའི་རྒྱལ་པོ་འཆར་བྱེད་ཀྱིས་ཞུས་པ་ཞེས་བྱ་བའི
355a3 ལེའུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཀོའུ་ཤམྦྷི་ན་དབྱངས་ཅན་གྱི
355a4 ཀུན་དགའ་ར་བ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་གཅིག་ཏུ་བཞུགས་ཏེ།
355a5 དེའི་ཚེ་ན་མ་དུའི་བུ་མོ་དཔེ་མེད་ཕྲག་དོག་དང་། སེར་སྣས་ཟིན་པས། བཙུན་མོ་སྔོ་སངས་ཅན་ལ་ལྷག་པར་དམིགས་ནས། བད་སའི་རྒྱལ་པོ་འཆར་བྱེད་ལ། ལྷ། མཁྱེན་པར་མཛད
355a6 དུ་གསོལ། བཙུན་མོ་སྔོ་སངས་ཅན་ལ་སོགས་པ་བུད་མེད་ལྔ་བརྒྱ་ནི། དགེ་སློང་གོའུ་ཏ་མ་དང་ལྷན་ཅིག་ཏུ་རབ་ཏུ་སྐྱོན་ཆགས་པར་བགྱིད་དེ། དེའི་སླད་དུ་བདག་གིས་ལྷ་ལ
355a7 གསོལ་བ་ལགས་ཀྱི། ཇི་ལྟར་མཁྱེན་པ་དེ་བཞིན་དུ་མཛད་དུ་གསོལ། ཞེས་རྫུན་གྱིས་ཚིག་གིས་དབྱེན་བྱས་པར་གྱུར་ཏོ། །དེ་ནས་བད་སའི་རྒྱལ་པོ་འཆར་བྱེད། མ་དུའི་བུ་མོ
iiif viewer powered by OpenSeadragon
