| e-texts navigator |
| Wylie |
353a1 དཔའ་བོ་སྨན་པའི་རྒྱལ་པོ་འདྲ། །དེ་དག་སེམས་ཅན་སྡུག་བསྔལ་སྐྱོབ། །སྐྱོ་བ་རྟག་ཏུ་རྣམ་པར་སྤངས། །དཔའ་བོ་སངས་རྒྱས་ཆོས་འཚལ་བ། །འགྲོ་བའི་སྐྱེ
353a2 བ་ཐམས་ཅད་དུ། །སེམས་དེ་འདོར་བར་མི་བགྱིད་ཅིང་། །དེ་དག་བརྟུལ་ཞུགས་དེ་ཡང་སྟོན། །སེམས་འདི་ལ་ནི་གང་དགའ་བ། །ཤཱཀྱ་སེང་གེ་མི་ཡི་མཆོག། སངས་རྒྱས་ཅི་འདྲ་དེ་འདྲར
353a3 འགྱུར། །བདག་ཅག་རྙེད་པ་ལེགས་པར་རྙེད། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ། །འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད
353a4 པ་ན། སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ། བཅོམ་ལྡན་འདས་ཀྱི་ཞལ་གྱི་སྒོ་ནས་འོད་འཕྲོ་བ་ཁ་དོག་སྣ་ཚོགས། ཁ་དོག་དུ་མ་བྱུང་བ་འདི་ལྟ་སྟེ། སྔོན་པོ་དང་།
353a5 སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་དང་། དངུལ་གྱི་ཁ་དོག་ལྟ་བུ་དག་སྟེ། འོད་དེས་འཇིག་རྟེན་གྱི་ཁམས་མཐའ་ཡས་མུ་མེད་དག་ཁྱབ་པར་བྱས་ནས། ཚངས
353a6 པའི་འཇིག་རྟེན་གྱི་བར་དུ་མངོན་པར་བྱུང་སྟེ། ཉི་ཟླ་རྣམས་ཀྱི་གཟི་བརྗིད་ཟད་པར་བྱས་ནས་སླར་ལོག་སྟེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས
353a7 ཀྱི་དབུའི་གཙུག་ཏུ་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ
iiif viewer powered by OpenSeadragon
