| e-texts navigator |
| Wylie |
351b1 ཀྱེ་མ་ད་ལྟར་སྡུག་བསྔལ་མི་བཟད་མྱོང་། །འདི་ནི་མི་དགེ་ལས་ཀྱི་རྣམ་སྨིན་ཡིན། །ལས་ཀྱི་རྣམ་པར་སྨིན་ལ་ཡིད་མ་ཆེས། །ཁྱོད་ནི་རང་གི་སེམས་ཀྱིས་མི་དགེ་བྱས། །འདི་ལ་ངས་ནི་ཅི
351b2 ཡང་མ་ལན་ཞེས། །དེ་ལས་ཆོས་རྒྱལ་གཤིན་རྗེ་དེ་སྐད་སྨྲ། །རང་གིས་ལས་བྱས་རང་ལ་རྣམ་པར་སྨིན། །རང་གིས་ལས་ཀྱིས་ཁྱོད་ནི་འདིར་འོངས་ཀྱི། །ཇི་ལྟར་སྔོན་ཆད་མི་འདོད
351b3 ལས་བྱས་པ། །སྡུག་བསྔལ་དེ་ནི་ཉིད་ཀྱིས་མྱོང་བར་གྱིས། །དེ་ཚེ་ཕ་མ་རང་གི་ཆུང་མ་རྣམས། །སྡུག་བསྔལ་ཉེན་པ་ཡོངས་སུ་ཐར་མི་བྱེད། །ལེགས་པའི་ལས་བྱས་པས་ནི་གྲོལ་བར
351b4 འགྱུར། །དེ་ལྟར་ཁྱིམ་ནི་ཡོངས་སུ་སྤང་བར་བྱ། །ཁོ་སྒོ་དབྱུག་པ་ལྟུང་གི་ཆད་པ་རྣམས། །སུ་ཞིག་སྤོང་འདོད་ཞི་བ་དོན་གཉེར་བས། །ཁྱིམ་ལ་འཇིགས་པར་གྱིས་ཏེ་སྤང་བྱོས་ལ།
351b5 འཇིག་རྟེན་མཁས་པའི་བསྟན་ལ་ཆོས་སྤྱོད་ཅིང་། །ཁྱིམ་ནི་རབ་འབར་སྡུག་བསྔལ་མང་པོའི་རྩཝ། །སེམས་ལ་འབྱུང་བ་རྣམས་ཀྱིས་རྟག་ཏུ་འབར། །མེ་མུར་འོབས་འདྲ་འཇིགས་པར
351b6 བྱེད་པ་ལ། །མཁས་པ་སུ་ཞིག་དེ་ལ་སྲེད་པ་བསྐྱེད། །ཁྱིམ་གནས་བུ་དང་ཆུང་མའི་མྱ་ངན་བྱེད། །ཁྱིམ་གནས་དེ་བཞིན་ལོངས་སྤྱོད་མྱ་ངན་བྱེད། །ཉེས་པ་འདི་དང་གཞན་ཡང
351b7 དཔག་མེད་དེ། །དེ་ལྟས་ཁྱིམ་ནི་རབ་ཏུ་སྤང་བར་བྱ། །འདྲེན་པ་རྣམས་ཀྱི་བསྟན་ལ་དགའ་བྱེད་པ། །མ་བཏབ་མ་རྨོས་བདེ་དང་ཡིད་བདེའི་རྒྱུ། །སྡུག་བསྔལ་མང་མོའི་རྩ་བ་ཁྱིམ
iiif viewer powered by OpenSeadragon
