| e-texts navigator |
| Wylie |
351a1 བསྔལ་མྱོང་བར་འོང་། །དེ་དག་དེ་ཚེ་བདག་གི་སྐལ་མི་ལེན། །མྱ་ངན་རྣམས་ཀྱིས་བདེ་ཕྱིར་དེ་དག་བླངས། །འདི་ན་དེ་དག་སྡུག་བསྔལ་མྱ་ངན་འགྱུར། །སྲིད
351a2 གསུམ་འཇིགས་པ་འདི་ན་བཤེས་ཀྱང་མེད། །དེ་བཞིན་བུ་དང་ཆུང་མ་རྩ་ལག་མེད། །ཕ་མ་སྤུན་དང་བུ་དང་ཆུང་མ་དང་། །བྲན་དང་ནོར་དང་རྩ་ལག་ཚོགས་ཀྱི་རྣམས། །ཤི་བའི
351a3 གཤིན་ཕྱིར་དེ་དག་འགྲོ་བ་མེད། །ལས་རྣམས་རྗེས་སུ་འབྲང་ཞིང་བྱིས་པ་འགྲོ་།ལས་ནི་རྗེས་སུ་འབྲང་ཞིང་མི་ཀུན་འདོང་། །ལས་ཀྱིས་གནས་པ་འཇིག་རྟེན་རྣམ་པར་རྒྱུ། །སྐྱེ་འདི
351a4 ལས་ཀྱི་བདག་ཉིད་རེག་གྱུར་ནས། །མཁས་པ་དག་ནི་དགེ་བའི་ལས་རྣམས་བྱེད། །མནར་མེད་སོང་ཚེ་དེ་དག་སྐྱབས་མིན་པས། །ཕ་མ་སྤུན་དང་སྙིང་སྡུག་བུ་རྣམས་དང་། །རྩ
351a5 ལག་ཉེ་དུ་སྣག་གི་གཉེན་མཚམས་དང་། །དེ་དག་ཆེད་དུ་མཁས་པ་སྡིག་མི་བྱེད། །ལས་དེ་ཡོངས་སུ་ཟད་པ་མ་གཏོགས་པར། །རབ་ཏུ་མི་བཟད་འཇིགས་ལས་མི་མི་གྲོལ། །དེ
351a6 ཕྱིར་སྡིག་པས་འཇིགས་པའི་མི་རྣམས་ཀྱིས། །བསྒྲིམས་ཏེ་སྡིག་པ་ཡོངས་སུ་སྤང་བར་བྱ། །ཇི་ལྟར་ལས་རྣམས་བྱས་པ་མ་གཏོགས་པར། །གཤིན་རྗེ་དང་ནི་གཤིན་རྗེའི་རང
351a7 རྟ་དང་། །མཛའ་བཤེས་དག་དང་རྩ་ལག་ཚོགས་དང་སྤུན། །ཕ་མ་བུ་དང་ཆུང་མ་སྲུང་མི་བྱེད། །ཁྱོད་ཀྱིས་མི་ཡི་ལུས་ནི་ཐོབ་གྱུར་ལ། །ཐོབ་ནས་སྡིག་པ་སྤངས་པ་མ་བྱས་པས།།
iiif viewer powered by OpenSeadragon
