| e-texts navigator |
| Wylie |
350a1 ནས་སུ། །མཁས་པ་རྣམས་ནི་ཁྱིམ་ལ་སྲེད་མི་སྐྱེད། །རྟག་ཏུ་བརྣབ་ཅིང་ལོངས་སྤྱོད་ཚོལ་བྱེད་པ། །དེ་ནི་ཕ་དང་མ་ལ་མི་གུས་ཤིང་། །བུ་དང་ཆུང་མ་ལ་ཡང
350a2 མི་བྱམས་པར། །དེ་དག་རྟག་ཏུ་ཆགས་ལ་འཇུག་པར་བྱེད། །བདག་གི་ལོངས་སྤྱོད་འགྲིབ་པར་འགྱུར་འོང་ཞེས། །བརྣབ་མོ་བྱས་གཟོ་ནམ་ཡང་རྙེད་མི་འགྱུར། །གཡོ་དང་སྒྱུས
350a3 ནི་ནོར་རྣམས་ཚོལ་བྱེད་པ། །བརྣབ་མོ་དག་ལ་མཁས་པ་ཡིད་མི་རྟོན། །སེམས་ཅན་བརྣབ་མོ་གཡོ་ལྡན་འདྲིད་པ་ཉིད། །ཡིད་བཞིན་སེམས་ལ་ཚིག་གིས་དགའ་བར་བྱེད། །ཡིད
350a4 བརྟན་ཀྱང་ནི་དེ་ལ་ཡིད་མི་རྟོན། །འོན་ཀྱང་བུ་འདྲར་སྡུག་པར་སྟོན་པར་བྱེད། །སེམས་ཅན་བརྣབ་མོ་འཇིག་རྟེན་གང་རྒྱུ་བ། །སྨན་དང་བསྟན་བཅོས་དག་ལ་མཁས་སྟོན་ཅིང་། །
350a5 སྨད་འཚོང་ལྟ་བུར་ཚིག་གིས་འདྲིད་བྱེད་ལ། །ཁོང་ནས་མི་བདེ་ཤིན་ཏུ་རྩུབ་པ་ཡིན། །བརྣབ་མོ་དག་ལ་མཛའ་བོ་ནམ་ཡང་མེད། །ཉེ་དུ་མེད་ཅིང་སྙིང་སླེབས་གྲོགས་ཀྱང
350a6 མེད|་། འོན་ཀྱང་དེ་དག་ནོར་ཕྱིར་སྟོན་པར་བྱེད། །སྐྱེ་བོ་བརྣབ་ལ་མཁས་པས་ཡིད་མི་རྟོན། །བརྣབ་མོ་ལོངས་སྤྱོད་ཆེད་དུ་བྱ་མིན་བྱེད། །ཤིན་ཏུ་མི་ཟད་སེམས་ནི་ཀུན་དུ
350a7 བསྐྱེད། །དེ་ཕྱིར་མཁས་པ་ཡང་དག་རྟོགས་བྱས་ལ། །ངན་ངོན་ཅི་ཡང་རུང་བས་ཆོག་ཤེས་གྱིས། །གསེར་དང་མུ་ཏིག་ནོར་བུ་བྱི་རུ་དང་། །ལས་དགེས་དེ་དག་ལྦུ་བ་ལས
iiif viewer powered by OpenSeadragon
