| e-texts navigator |
| Wylie |
349b1 བསྐྱེད། །ཤིན་ཏུ་འཇིགས་པའི་ངན་འགྲོར་མ་འགྲོ་ཞིག་།ལོ་སྟོང་བྱེ་བར་སུ་ཞིག་འཚོ་འགྱུར་བ། །དེས་ཀྱང་ཆགས་པ་ཡོངས་སུ་སྤང་བྱ་ན། །སུ་ཞིག་ལོ་བརྒྱ་ཐུབ་པར་མི་འགྱུར་བ། །
349b2 དེ་ཕྱིར་དགའ་བ་མི་རྙེད་སྨོས་ཅི་དགོས། །མ་བསྡམས་མི་རྣམས་ཁ་ཅིག་འདི་སྐད་དུ། །མིར་རྙེད་ཤིན་ཏུ་དཀའ་བ་རྙེད་པ་ལ། །གཞོན་ཚེ་རྩེད་མོ་དག་དང་དགའ་བྱ་ཞིང་། །ནོར་བཙལ
349b3 བདེ་བ་མྱོང་བ་བྱ་ཞེས་ཟེར། །ནོར་ཚོལ་བ་ལ་བདེ་བ་ག་ལ་ཡོད། །བསྲུང་བའི་ཕྱིར་ཡང་སྡུག་བསྔལ་མྱོང་བར་འགྱུར། །དེ་ཕྱིར་མཁས་པས་ཆགས་པ་ཡོངས་སྤངས་ལ། །ངན་ངོན
349b4 ཙམ་གྱིས་ཆོག་ཤེས་ཐོབ་པར་བྱོས། །ལོངས་སྤྱོད་སྒྱུ་མ་འདྲ་ཞིང་རྨི་ལམ་མཚུངས། །འདི་དག་བྱིས་པའི་སྐྱེ་བོ་འདྲིད་པ་ཡིན། །སྐད་ཅིག་འབྱུང་ཞིང་སྐད་ཅིག་འཇིག་པར་འགྱུར། །
349b5 མཁས་པ་སུ་ཞིག་ལོངས་སྤྱོད་སྲེད་པ་བསྐྱེད། །སྒྱུ་མ་འདྲ་ཞིང་གར་མཁན་ལྟ་དང་མཚུངས། །དྲི་ཟའི་གྲོང་ཁྱེར་སྣ་ཚོགས་ཅི་འདྲ་བ། །ལོངས་སྤྱོད་དེ་དག་འདི་འདྲ་བྱིས་པ་འདྲིད། །
349b6 དེ་ལྟར་ལོག་པ་འཚོལ་ཞིང་བྱིས་པ་འཁྱམ། །སྡུག་བསྔལ་བརྒྱ་ཡིས་ལོངས་སྤྱོད་བཙལ་བཙལ་བ། །ལུས་ལ་གནོད་པ་མཚུངས་མེད་བསྐྱེད་བྱས་ནས། །རྒྱལ་པོའི་མཐུ་ཡིས་དེ་དག
349b7 ཕྲོགས་གྱུར་པ། །དེ་དག་ལ་ནི་མཁས་གང་དགའ་བ་བསྐྱེད། །བུ་དང་ཆུང་མའི་དབང་དུ་མི་འགྱུར་བར། །རྒྱལ་པོས་ཉེས་པ་བྱུང་བའི་ནོར་ཕྲོགས་པ། །ཉེས་པ་འདི་འདྲ་དེ་དག་རིགས
iiif viewer powered by OpenSeadragon
