| e-texts navigator |
| Wylie |
349a1 ཚིགས་སུ་བཅད་པ་འདི་དག་བཀའ་སྩལ་ཏོ། །མིར་རྙེད་ཤིན་ཏུ་རྙེད་དཀའ་རྙེད་པ་ལ། །ལུས་ཀྱི་ཕྱིར་ནི་སྡིག་པ་མ་བྱེད་ཅིག། འདི་ནི་དུར་ཁྲོད་པ་སྟེ་ལྕེ
349a2 སྤྱང་ཟས། །ལུས་ཀྱི་ཕྱིར་ནི་ཡ་ངར་མ་འཇུག་ཅིག། གཡོ་ལྡན་ལུས་ལ་སྲེད་པ་བསྐྱེད་ནས་ནི། །བྱིས་པ་རྟག་ཏུ་རྣམ་པར་རྨོངས་ཏེ་འཁྱམ། །ལུས་འདི་བྱས་པ་མི་གཟོ་དངོས་ཡིན་པས།།
349a3 ཉིན་དང་མཚན་དུ་སྡུག་བསྔལ་ཚོར་བ་མྱོང་། །རྟག་ཏུ་ནད་འདྲ་སྡུག་བསྔལ་འཁྲུལ་འཁོར་ཏེ། །ལུས་འདི་ངན་སྐྱུགས་དང་ནི་མཆིལ་མས་གང་། །བཀྲེས་དང་སྐོམ་པས་རྟག་ཏུ་མངོན
349a4 པར་གཙེས། །མཁས་པ་སུ་ཞིག་ལུས་ལ་སྲེད་པ་སྐྱེ། །ལུས་ནི་ས་གཏིང་འདྲ་སྟེ་ཆོག་མི་ཤེས། །གཤེད་མ་མི་མཛའ་འདྲ་ཡང་བྱིས་པས་གསོ། །ལུས་ཀྱི་ཆེད་དུ་སྡིག་པའི་ལས
349a5 ཀྱང་བྱེད། །དེ་ཕྱིར་དེ་དག་སྡུག་བསྔལ་ཚོར་བ་མྱོང་། །ལུས་འདི་རྡོ་རྗེ་ལྟ་བུར་ས་མ་ཡིན། །ལུས་ཀྱི་ཆེད་དུ་སྡིག་པ་མ་བྱེད་ཅིག། འཆི་བར་རྟོགས་ནས་བསོད་ནམས་མྱུར་དུ་བྱོས།།
349a6 དེ་བཞིན་སངས་རྒྱས་བསྟན་ལ་དད་པ་བསྐྱེད། །ཟས་དང་སྐོམ་དང་བྱུག་པ་གོས་རྣམས་ཀྱིས། །ལུས་འདི་ཇི་སྲིད་ཡུན་རིང་བསྙེན་བཀུར་ཏེ། །བརྟན་པ་བྱས་ཀྱང་འཇིག་པ་འགྱུར
349a7 ཡིན་ན། །འདི་ལ་འབད་པ་དོན་མེད་ཅི་ཕྱིར་བྱ། །བསྐལ་པ་བརྒྱར་ཡང་ཤིན་ཏུ་རྙེད་དཀའ་བ། །ཐུབ་པ་འབྱུང་འདི་ཁྱོད་ཀྱིས་རྙེད་པ་ལ། །སངས་རྒྱས་བསྟན་ལ་དེ་བཞིན་དད་པ
iiif viewer powered by OpenSeadragon
