| e-texts navigator |
| Wylie |
345a1 བའི་ཟས་ཟོས་མ་ཐག་ཏུ་བད་ཀན་གྱི་གནས་སུ་འགྲོའོ། །བད་ཀན་གྱི་གནས་སུ་ཕྱིན་ནས། བད་ཀན་གྱིས་རྐྱང་རྐྱང་པོར་བྱས་ཏེ། ཤིན་ཏུ་མི་གཙང་བར་འགྱུར་རོ། །
345a2 དེའི་འོག་ཏུ་མཁྲིས་པའི་གནས་སུ་འགྲོ་སྟེ། མཁྲིས་པའི་གནས་སུ་ཕྱིན་ནས། ཞུ་ཞིང་སྐྱུར་པོར་འགྱུར་ཏེ། རླུང་གི་གནས་སུ་འགྲོའོ། །ཞུས་ཏེ་རླུང་གི་གནས་སུ་ཕྱིན་ནས། རླུང་གིས་ཚིགས
345a3 མ་ལོགས་ཤིག། དྭངས་མ་ལོགས་ཤིག་ཏུ་རྣམ་པར་འབྱེད་དེ། ཚིགས་མ་ལས་ནི་གཅིན་དང་ངན་སྐྱུགས་ལ་སོགས་ཏེ། དྲི་མ་རྣམས་འབྱུང་། དྭངས་མ་ལས་ནི་ཁྲག་ཏུ་འགྱུར་ཏེ།
345a4 ཁྲག་ལས་ཤའོ། །ཤ་ལས་ཚིལ་ལོ། །ཚིལ་ལས་རུས་པའོ། །རུས་པ་ལས་རྐང་ངོ་། །རྐང་ལས་ཁུ་ཆུའོ། །ཁུ་ཆུ་ལས་ལུས་འདི་ལྟ་སྟེ། དེ་ལྟར་ཐོག་མ་དང་། ཐ་མའི་རྒྱུ་མི་གཙང
345a5 བའི་ཕྱིར། ལུས་མི་གཙང་བར་བྱང་ཆུབ་སེམས་དཔས་བསམ་པར་བྱའོ། །ལུས་ལ་མི་གཙང་བར་ལྟ་བ་ན། བྱང་ཆུབ་སེམས་དཔས་འདི་སྙམ་དུ་བསམ་པར་བྱ་སྟེ། ལུས་ཞེས་བྱ་བ
345a6 འདི་ནི་རུས་པ་སུམ་བརྒྱ་དྲུག་ཅུས་ཁོག་པ་བསླང་པ། ཤིང་ངན་པའི་ཁྱིམ་ལྟར་ཚིགས་སུམ་བརྒྱས་སྦྱར་བ། རྩའི་དྲ་བ་བཞི་བརྒྱས་ཀླགས་པ། ཤ་སྤར་ཚད་ལྔ་བརྒྱས་གཡོས
345a7 པ|་སྡོམ་རྩ་དྲུག་གིས་ཁེབས་པ། རྩ་བདུན་བརྒྱས་གང་བ། རྒྱུས་པ་བདུན་བརྒྱས་སྦྲེལ་པ། ཆུ་བ་བཅུ་དྲུག་གིས་བརྟན་པ། ཆུ་བ་གཉིས་ཀྱིས་ཁྱབ་པར་དཀྲིས་པ། རྒྱུ་མ་འདོམ
iiif viewer powered by OpenSeadragon
