| e-texts navigator |
| Wylie |
344b1 པ་དང་། གྲོགས་པོ་མི་སྲུན་པ་ལྟར་རྟག་ཏུ་རྗེས་སུ་བསྲུང་དགོས་པ་དང་། ཆུ་འགྲམ་གྱི་ཤིང་ལྟར་གཡོ་ཞིང་འགུལ་བ་དང་། ཆུ་ཀླུང་ཆེན་པོའི་རྒྱུན་ལྟར་མཐར་འཆི་བའི་རྒྱ་མཚོ་ལ་ཐུག་པ
344b2 དང་། གློ་བུར་བའི་ཁྱིམ་ལྟར་སྡུག་བསྔལ་ཐམས་ཅད་ཀྱི་གནས་སུ་གྱུར་པ་དང་། མགྲོན་པོ་མེད་པའི་གནས་ཁང་ལྟར་ཡོངས་སུ་གཟུང་བ་མེད་པ་དང་། བཙོན་བསྲུང་ལྟར་གསུག་གིས
344b3 བསྒྲུབ་པར་བྱ་བ་དང་། མཐའ་འཁོབ་ཀྱི་གྲོང་ཁྱེར་ལྟར་རྟག་ཏུ་གནོད་པ་འབྱུང་བ་དང་། བྱེ་མའི་གྲོང་ཁྱེར་ལྟར་རྟག་ཏུ་འཇིག་པའི་བདག་ཉིད་ཅན་དང་། མེ་ལྟར་ཆོག་མི་ཤེས་པ་དང་། རྒྱ
344b4 མཚོ་ལྟར་དགང་དཀའ་བ་དང་། སྦྲུལ་གྱི་གཟེབ་ལྟར་ནན་ཏན་གྱི་བག་བྱ་བ་དང་། བྱིས་པ་ཆུང་ངུ་ལྟར་རྟག་ཏུ་ཡོངས་སུ་བསྐྱང་དགོས་པ་དང་། སྣོད་ཆག་པ་ལྟར་རྟག་ཏུ་བག་བྱ་དགོས
344b5 པ་དང་། ཡུལ་ངན་པ་ལྟར་རྟག་ཏུ་གནོད་པ་འབྱུང་བ་དང་། ཟས་དུག་ཅན་ལྟར་རྟག་ཏུ་ཡོངས་སུ་སྤང་བར་བྱ་བ་དང་། རེ་ཞིག་དགོས་པའི་ཕྱིར་སྣོད་བརྙན་མ་ལྟ་བུ་དང་། ཁུར་བཀུར
344b6 བའི་ཕྱིར་ཤིང་རྟ་ལྟ་བུ་ཡིན་པ་འབའ་ཞིག་ཏུ་བློས་གཟུང་བར་བྱའོ། །ཁྱིམ་བདག་རྣམས། གཞན་ཡང་བྱང་ཆུབ་སེམས་དཔས་ལུས་འདི་ཡི་ཐོག་མ་དང་། ཐ་མའི་རྒྱུ་ལ་སོ་སོར་བརྟག
344b7 པར་བྱའོ། །ཕ་མའི་ཁུ་ཆུ་དང་། ཁྲག་འདུས་པ་ལས་འབྱུང་སྟེ། འདི་ལ་ཁུ་ཆུ་དང་། ཁྲག་ནི་ལུས་ཀྱི་ཐོག་མའི་རྒྱུ་ཡིན་ནོ། །ཐ་མའི་རྒྱུ་ནི་ཟས་འཇུ་བ་ལ་སོགས་པ་སྟེ། ཁམ་གྱི་བཟའ
iiif viewer powered by OpenSeadragon
