| e-texts navigator |
| Wylie |
342b1 ཅན་དག་ནི་ཕལ་ཆེར་ལུས་དང་སྲོག་ལ་ཆགས་པར་གྱུར་ནས། སྡིག་པའི་ལས་རྣམས་བྱེད་དེ། དེ་དག་སྡིག་པའི་ལས་བྱས་ཤིང་བསགས་པ་དེས་ངན་སོང་ངན་འགྲོ་ལོག་པར་ལྟུང་བ་སེམས་ཅན
342b2 དམྱལ་བ་རྣམས་སུ་སྐྱེའོ། །སེམས་ཅན་ཐམས་ཅད་ལ་སྙིང་རྗེ་ཆེན་པོའི་སེམས་བསྐྱེད་དེ། ལུས་དང་སྲོག་ལ་མ་ཆགས་པར་བྱས་ན་བདེ་འགྲོ་རྣམས་སུ་སྐྱེའོ། །ཁྱིམ་བདག་རྣམས། དེ་ལྟ་བས་ན་བྱང
342b3 ཅ་ཧུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་སེམས་ཅན་ཐམས་ཅད་ལ་སྙིང་རྗེ་ཆེན་པོའི་སེམས
342b4 བསྐྱེད་དེ། ལུས་ལ་ཆགས་པར་མི་བྱ། སྲོག་ལ་ཆགས་པར་མི་བྱ། དེ་བཞིན་དུ་ནོར་དང་། འབྲུ་དང་། ཁྱིམ་དང་། ཆུང་མ་དང་། བུ་དང་། བུ་མོ་རྣམས་ལ་ཆགས་པར་མི་བྱ། བཟའ་བ་དང་།
342b5 བཏུང་བ་དང་། བགོ་བ་དང་། བཞོན་པ་དང་། མལ་ཆ་དང་། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་རྣམས་ལ་ཆགས་པར་མི་བྱ། ཡོ་བྱད་ཐམས་ཅད་ལ་ཆགས
342b6 པར་མི་བྱ། བདོག་པ་ཐམས་ཅད་ཡོངས་སུ་གཏང་བར་བྱ་བ་དང་། ཡོངས་སུ་གཏང་བ་མང་བ་དང་། རྣམ་པར་སྨིན་པ་ལ་རེ་བ་མེད་པར་བྱ། ཚུལ་ཁྲིམས་རྣམ་པ་གསུམ་ཡོངས་སུ་དག
342b7 པར་ཚུལ་ཁྲིམས་ཀྱི་སྡོམ་པ་ལ་གནས་པར་བྱ། སེམས་ཅན་ཐམས་ཅད་ཀྱིས་ཉེས་པར་བྱས་པ་ལ་ཇི་མི་སྙམ་པར་བཟོད་པ་དང་། དེས་པ་ཕུན་སུམ་ཚོགས་པར་བྱ། ལུས་དང་སྲོག་ལ
iiif viewer powered by OpenSeadragon
