| e-texts navigator |
| Wylie |
338b1 རེག་མ་ཐག་ཏུ་གོས་ངུར་སྨྲིག་བགོས་ཤིང་། དགེ་སློང་དུ་སྣང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ།
338b2 སྙིགས་མ་ལྔ་པོ་དུས་ཀྱི་སྙིགས་མ་དང་། སེམས་ཅན་གྱི་སྙིགས་མ་དང་། ཞིང་གི་སྙིགས་མ་དང་། ཚེའི་སྙིགས་མ་དང་། ཉོན་མོངས་པའི་སྙིགས་མའི་དུས་སུ་ང་བྱང་ཆུབ་མངོན་པར་རྫོགས
338b3 པར་སངས་རྒྱས་ནས། དེར་དེས་པས་ཇི་ལྟར་འདུལ་བ་ལས་རྣམ་པ་གཞན་གྱིས་གདུལ་བར་མི་བྱའོ། །ཀུན་དགའ་བོ། ང་ནི་འཇིག་རྟེན་གྱི་ཁམས་མི་མཇེད་དུ་སངས་རྒྱས་ཀྱིས་འདུལ་བས
338b4 སེམས་ཅན་རྣམས་འདུལ་བར་མི་བྱེད་ཀྱི། ཀུན་དགའ་བོ། ང་ནི་ངན་ཅིང་དབུལ་བ་དང་། ངན་འགྲོའི་འཇིགས་པས་བསྡིགས་པས་སེམས་ཅན་རྣམས་འདུལ་བར་བྱེད་དོ། །ཀུན་དགའ་བོ།
338b5 གལ་ཏེ་འཇིག་རྟེན་གྱི་ཁམས་འདིར་ངས་སངས་རྒྱས་ཀྱི་ཡུལ་གྱི་ཆོས་བསྟན་ཅིང་། སངས་རྒྱས་ཀྱི་ཡུལ་ཉེ་བར་བསྟན་དུ་ཟིན་ན། སེམས་ཅན་གཅིག་ཀྱང་འདུལ་བར་མི་འགྱུར་ལ། ཆོས
338b6 ཀྱང་རྟོགས་པར་མི་འགྱུར་རོ། །ཀུན་དགའ་བོ། དེ་ལྟ་བས་ན་ང་དང་། དེས་པ་ཇི་ལྟར་འདུལ་བར་བྱེད་པ་དེ་བཞིན་དུ། ཁྱོད་ཀྱིས་ཀྱང་སེམས་ཅན་འདུལ་བར་གྱིས་ཤིག། ཀུན་དགའ་བོ།
338b7 སེམས་ཅན་དད་པ་ཅན་དང་། རྟོགས་པ་མང་བ་དག་འབྱུང་བར་འགྱུར་ཏེ། དེ་དག་གིས་ཆོས་ཀྱི་རྣམ་གྲངས་འདི་ཐོས་ན། དད་པ་རྙེད་ཅིང་དེ་བཞིན་དུ་སྒྲུབ་པར་འགྱུར་རོ། །བཅོམ
iiif viewer powered by OpenSeadragon
