| e-texts navigator |
| Wylie |
335a1 ལགས་པ། །དེ་ཡིས་འདིར་ནི་འཇིག་རྟེན་སངས་རྒྱས་མཉམ་གྱུར་ཅིག། དེ་ནས་རིགས་ཀྱི་བུ་དེས་པ་སྐྱེ་བོའི་ཚོགས་ཆེན་པོ་དེ་དག་གིས་ཡོངས་སུ་བསྐོར་ནས།
335a2 བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། དེ་ནས་རྒྱལ་པོ་གསལ་རྒྱལ་གྱིས
335a3 རིགས་ཀྱི་བུ་དེས་པ་ལ་ཁྲིའུ་སྟན་བཟང་པོ་བདག་ཉིད་ཀྱིས་བྱིན་ཏེ་འདི་ལ་འདུག་ཅིག་ཅེས་བྱས་ནས། རིགས་ཀྱི་བུ་དེས་པ་ཁྲིའུ་སྟན་པ་བཟང་པོ་དེ་ལ་འདུག་གོ་།རྒྱལ་པོ་གསལ་རྒྱལ
335a4 འཁོར་དང་བཅས་པ་ཡང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་རང་གི་སྟན་ལ་འཁོད་དོ། །དེ་ནས་རིགས་ཀྱི་བུ་གང་དག་གིས་དེས་པ་སྔོན་མ་མཐོང་བ
335a5 དེ་དག་འདི་སྐད་དུ། དབུལ་པོ་གོས་ངན་པ་གྱོན་པ་འདི་ལ། འདི་ལྟ་བུར་མཆོད་པ་བྱེད་དོ་ཞེས་འཛེར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་དེ་དག་ལ་འདི་སྐད་ཅེས་སྨྲས
335a6 སོ|་|གྲོགས་པོ་དག། འདི་ལ་བརྙས་པར་མ་བྱེད་ཅིག། རིགས་ཀྱི་བུ་འདིའི་ཡོན་ཏན་གྱི་ཆེ་བ་ཉིད་ཇི་སྙེད་དང་ལྡན་པ་དེ་ནི་ཁོ་བོའི་མངོན་སུམ་དུ་གྱུར་ཏོ།། གྲོགས་པོ་དག། ཁྱོད་རེ
335a7 ཞིག་སྡོད་ཅིག་དང་། རིགས་ཀྱི་བུ་འདིའི་ཡོན་ཏན་གྱི་བཀོད་པ་མཐོང་བར་འགྱུར་རོ། །དེ་ནས་རིགས་ཀྱི་བུ་དེས་པས་ལྷའི་བུ་དེ་དག་གི་བསམ་པ་རྟོགས་ནས། བཅོམ་ལྡན་འདས
iiif viewer powered by OpenSeadragon
