| e-texts navigator |
| Wylie |
333a1 གོས་རྣམས་མི་འཚལ་ལོ། །རྒྱལ་པོ་ཆེན་པོ། བྱང་ཆུབ་སེམས་དཔས་ནི་གང་ལ་བདག་ཉིད་ཀྱང་འདོད་པ་སྤོང་བར་འགྱུར་ཞིང་། གཞན་ཡང་འདོད་པའི་སེམས
333a2 བསྐྱེད་པར་མི་འགྱུར་བ་དེ་ལྟ་བུའི་གོས་བཅད་པར་བགྱིའོ། །རྒྱལ་པོས་སྨྲས་པ། དེས་པ། གལ་ཏེ་དེ་ལྟར་རས་བཅོས་བུ་ཟུང་འདི་དག་ཁྱོད་མི་ལེན་ན། ཁོ་བོ་ལ་སྙིང་བརྩེ་བའི་ཕྱིར་རྐང་པས
333a3 རྫིས་ཤིག། དེས་པས། ལྷ། དེ་བཞིན་དུ་བགྱིའོ་ཞེས་སྨྲས་ནས། རས་བཅོས་བུ་ཟུང་དེ་དག་ལ་རྐང་བས་བརྫིས་ཏེ་སོང་ངོ་། །རྒྱལ་པོས་སྨྲས་པ། དེས་པས་རས་བཅོས་བུ་ཟུང་ཁྱོད་ཀྱི་རྐང
333a4 པའི་དམན་མར་གྱུར་པ་འདི་རྣམས་ཇི་ལྟར་བྱ། དེས་པས་སྨྲས་པ། རྒྱལ་པོ་ཆེན་པོ། སེམས་ཅན་དབུལ་པོ་གཅེར་བུ་གོས་མ་མཆིས་པ་གང་ལགས་པ་དེ་དག་ལ་སྩོལ་ཅིག། རྒྱལ
333a5 པོས། དེས་པ། དེ་ལྟར་བྱའོ་ཞེས་སྨྲས་ནས། རྒྱལ་པོས་མི་རྣམས་ལ་བསྒོ་སྟེ། དེ་དག་གིས་ཀྱང་ཇི་སྐད་བསྒོ་བ་བཞིན་དུ་བྱས་སོ། །རས་བཅོས་བུ་ཟུང་དེ་དག་དབུལ་པོ་དེ་དག་གིས་བགོས
333a6 མ་ཐག་ཏུ་འདི་སྙམ་དུ་སེམས་བསྐྱེད་དེ། བདག་ཅག་གིས་དེས་པ་ལ་ཇི་ལྟར་ལན་གླན་པར་བྱ་སྙམ་པ་ལས། སངས་རྒྱས་ཀྱི་བྱིན་གྱི་རླབས་དང་། དེས་པའི་སྨོན་ལམ་གྱི་སྟོབས
333a7 ཀྱིས་དེ་དག་གིས་བར་སྣང་ལས་ཚིགས་སུ་བཅད་པ་འདི་དག་ཐོས་སོ། །འདོད་པ་བཞིན་དུ་ལན་ནི་གླན་བྱ་བ། །མེ་ཏོག་དང་ནི་སྤོས་དང་བྱུག་པ་དང་། །ཟས་སྐོམ་ནོར་རྣམས་ཀྱིས
iiif viewer powered by OpenSeadragon
