| e-texts navigator |
| Wylie |
328a1 བྱང་ཆུབ་དོན་དུ་ཡིད་བཏུད་དོ། །དེ་ནས་གྲོང་ཁྱེར་གྱི་དབུལ་པོ་དེས་པས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་ལན་གསུམ
328a2 བསྐོར་བ་བྱས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་མཉན་ཡོད་འདི་ན་འཁྱམ་ཞིང་མཆིས་མཆིས་པ་ལ། ནོར་བུ་རིན་པོ་ཆེ་རིན་ཐང་མ་མཆིས་པ་ཞིག་རྙེད་ནས། དེ་ལ
328a3 བདག་འདི་སྙམ་བགྱིད་དེ། མཉན་ཡོད་འདི་ན་ཐམས་ཅད་ཀྱི་ནང་ན་དབུལ་པོ་གང་ལགས་པ་དེ་ལ་སྩལ་ལོ་སྙམ་ནས། དེ་ལ་བདག་འདི་སྙམ་བགྱིད་དེ། རྒྱལ་པོ་གསལ་རྒྱལ་འདི་ནི
328a4 ཐམས་ཅད་ཀྱི་ནང་ན་ཆེས་དབུལ་བ་སྟེ། འདི་ནི་ཕ་རོལ་གྱི་ནོར་འཕྲོག་པར་བགྱིད་པས་ནི་ངོམས་མ་འཚལ་བ་ལགས་སོ། །སླར་ཞིང་དོན་དུ་གཉེར་བར་བགྱིད་པས་ན་ཆོག་མ་འཚལ
328a5 བ་ལགས་སོ། །གཞན་གྱི་ལོངས་སྤྱོད་དག་གིས་ངོམས་མ་འཚལ་བ་ལགས་སོ། །སྡུག་བསྔལ་བ་རྣམས་ལ་རྣམ་པར་མཐོ་འཚམ་པ་ལགས་སོ། །སྐྱིད་པ་རྣམས་ཐལ་མར་འབྱིན་པ
328a6 ལགས་སོ། །དབུལ་པོ་རྣམས་རབ་ཏུ་ཕུང་བར་བགྱིད་པ་ལགས་སོ། །ཕྱུག་པོ་རྣམས་ཚར་གཅོད་པ་ལགས་སོ། །ཤིན་ཏུ་རབ་ཏུ་མྱོས་པ་ལགས་སོ། །རྒྱལ་པོའི་ལོངས་སྤྱོད་རྣམས
328a7 དང་། སྲེད་པས་རྣམ་པར་བཅིངས་པ་ལགས་སོ་སྙམ་ནས་དེ་ལ་བདག་གིས་སྩལ་ན་ལེན་པར་མི་བགྱིད་པར། འདི་སྐད་དུ་དེ་ལྟར་ང་ནི་དབུལ་ལ། ཁྱོད་ནི་འབྱོར་པར་ཁྱོད་ལ་དབང
iiif viewer powered by OpenSeadragon
