| e-texts navigator |
| Wylie |
327b1 ཅན་རྣམས་ལ་ལེགས་དགོངས་པས། །ཤིན་ཏུ་རབ་ཏུ་འང་གཤེགས་འགྱུར་གྱི། །རྒྱལ་ཆེན་བདག་གིས་གསོལ་བ་ལ། །ད་ནི་ལེགས་པར་ཐུགས་རྗེས་མཛོད། །གང་གིས་སྟོན་པ་འདིར
327b2 གཤེགས་པའི། །བདེན་པའི་བྱིན་རླབས་བགྱི་བར་འཚལ། །མེ་ཏོག་སྤོས་དང་མེ་ཏོག་ཕྲེང་། །རྒྱལ་མཚན་གདུགས་དང་བྱུག་པ་དང་། །སིལ་སྙན་སྟ་གོན་མཛོད་ཅིག་དང་། །འདྲེན་པ་དེ་ནི
327b3 གཤེགས་པར་འགྱུར། །དེས་པས་ཐལ་མོ་སྦྱར་ནས་ཀྱང་། །ཕྲག་པ་གཅིག་ཏུ་གོས་གཟར་འདུག། པུས་མོ་ས་ལ་བཙུགས་བྱས་ནས། །འདི་སྐད་ཅེས་ནི་ཚིག་ཀྱང་སྨྲས། །ཀུན་མཁྱེན་པ་ནི
327b4 གང་གིས་སུ། །བདག་གི་བསམ་པ་མཁྱེན་ཅེ་ན། །བདེན་པའི་ཚིག་ནི་འདི་ཉིད་ཀྱིས། །ཐུབ་པ་བདག་གི་མདུན་དུ་བཞུགས། །དེ་ནས་ཚིག་འདི་སྨྲས་ནས་ཀྱང་། །ས་ནི་རབ་ཏུ་གཡོས་པར
327b5 གྱུར། །ས་གཞི་རྣམ་པར་བརྟོལ་ནས་ནི། །དེ་བཞིན་གཤེགས་པ་བྱུང་བར་གྱུར། །རྫུ་འཕྲུལ་དག་དང་ལྡན་པ་ཡི། །ཉན་ཐོས་ལྔ་བརྒྱས་ཡོངས་སུ་བསྐོར། །བརྒྱ་ཕྲག་བཅུ་གཉིས་སྙེད་དག་གི།
327b6 བྱང་ཆུབ་སེམས་དཔའ་རྣམས་དང་ནི། །སྐྱོང་བ་དང་ནི་ལྷ་ཀླུ་དང་། །བརྒྱ་བྱིན་ཚངས་པས་མདུན་གྱིས་བལྟས། །དེ་འདྲའི་རྫུ་འཕྲུལ་མཐོང་ནས་ནི། །དེ་ཚེ་འཇིག་རྟེན་ངོ་མཚར་འཛིན། །རྒྱལ་པོ
327b7 དཔུང་བཅས་བློན་པོར་བཅས། །སྟོན་པའི་ཞབས་ལ་འདུད་པར་བྱེད། །དེར་ནི་སྲོག་ཆགས་སྟོང་དག་གིས། །སྟོན་པ་ལ་ནི་མཆོད་པ་བྱས། །རྫོགས་པའི་སངས་རྒྱས་མཆོད་བྱས་ནས། །
iiif viewer powered by OpenSeadragon
