| e-texts navigator |
| Wylie |
326b1 ཤེས་རབ་ཀྱི་ནི་མཐར་ཕྱིན་བློ་གྲོས་ལྡན་ཞིང་འཇིག་རྟེན་ཀུན་ལ་བལྟ་བགྱིད་པ། །དེ་དག་ཏུ་ནི་མི་དབུལ་ཐོབ་ཅིང་ཆོས་འདོད་རྣམས་ཀྱིས་མཆོད་པར་འོས་པ་ལགས། །གང་དག་ལོངས་སྤྱོད་རྣམས
326b2 ལ་རབ་ཆགས་བདེ་ལ་དགའ་ཞིང་གཏོང་བ་མ་མཆིས་ལ། །ལུས་དང་སྲོག་ལ་སྙིང་པོར་འཛིན་ཅིང་རྟག་པར་སྙིང་པོ་དོན་དུ་མི་གཉེར་དང་། །གང་དག་གླང་ཆེན་མྱོས་པ་ལྟ་བུར་རྟག་ཏུ་ཡིད་མྱོས
326b3 རྣམ་པར་རྒྱུ་བ་དང་། །ལྷ་གཅིག་གང་དག་དྲན་པ་མ་མཆིས་དེ་དག་དབུལ་བ་ཉིད་ནི་ཐོབ་པ་ལགས། །གང་དག་དཀོན་མཆོག་གསུམ་པོ་དྲི་མ་མེད་ལ་གུས་པ་ཤིན་ཏུ་ཆེ་བ་དང་། །ལུས་དང
326b4 སྲོག་དང་ནོར་རྣམས་ལས་ནི་རྟག་ཏུ་སྙིང་པོ་སྒྲུབ་པའི་མཁས་པ་དག། རྟག་ཏུ་མི་བརྐམ་སྡང་བར་མི་བགྱིད་གླེན་པ་མ་ལགས་རབ་ཏུ་རྒྱགས་མ་མཆིས། །ལྷ་གཅིག་གང་དག་ཆོས་ཀྱིས
326b5 བརྒྱན་པ་དེ་དག་ནོར་ཆེ་སྐྱེས་བུ་དམ་པ་ལགས། །ལྷ་གཅིག་མེ་ནི་རྟག་ཏུ་ནགས་ཀྱི་སྦན་སྤུན་སྐམ་པོ་བསྲེགས་པས་ཆོག་མ་འཚལ། །ལྷ་གཅིག་འདི་ན་རྒྱ་མཚོ་ཆུ་ཀླུང་རྣམས་ཀྱི་ཆུ་འཛིན་པས
326b6 ཀྱང་ཆོག་མ་འཚལ། །འདི་ན་ཉི་མ་ཟླ་བ་འདི་དག་མཁའ་ལ་མཐར་གྱིས་རྒྱུ་བས་ཆོག་མི་འཚལ། །རྒྱལ་པོ་བརྐེམ་ཕྱིར་རྟག་ཏུ་ལོངས་སྤྱོད་དག་གིས་ཆོག་མི་མཁྱེན་པས་བརླག་པར་འགྱུར།།
326b7 ཞུགས་ནི་གུམ་པར་གྱུར་པས་རྩཝ་མང་དག་གིས་སླར་ཡང་འབར་བར་ཡོང་མི་བགྱིད། །དེ་བཞིན་མཁས་པ་ཤེས་རབ་ཆོག་པར་མི་འཛིན་ཉོན་མོངས་རྣམས་ཀྱིས་འབར་མི་བགྱིད། །ཆུ་ཡི་ཐིགས་པ
iiif viewer powered by OpenSeadragon
