| e-texts navigator |
| Wylie |
322b1 ནི་གང་ཞིག་རྫུན་ཟེར་བ། །དེ་ནི་རྟག་ཏུ་དོགས་པར་འགྱུར། །བརྫུན་དུ་སྨྲ་བ་བྱེད་པ་དེ། །སྡིག་པ་ཀུན་གྱི་རྩ་བ་དང་། །དཀའ་ཐུབ་ཅན་གྱི་རྩ་གཅོད་དང་། །ངན་འགྲོར་འགྲོ་བ་ཞེས་ཀྱང་བྱ། །གལ
322b2 ཏེ་འཛམ་གླིང་གང་བ་ཡི། །གསེར་དག་ཁྱོད་ཀྱིས་བྱིན་ན་ཡང་། །ཁོ་བོ་ཆོས་ནི་བསྲུང་བའི་ཕྱིར། །རྟག་ཏུ་རྫུན་ནི་སྨྲ་མི་བྱེད། །དེ་ནས་བརྒྱ་བྱིན་གྱིས་སྤྲུལ་པའི་མིས་དེས་པ་རྫུན་ཟེར་དུ་གཞུག
322b3 མ་ནུས་ནས་སོང་ངོ་། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་མོ་ཉི་འོད་དང་། ལྷ་མ་ཡིན་གྱི་བུ་མོ་བདེ་སོགས་ལ་འདི་སྐད་ཅེས་སྨྲས་སོ། །ཁྱེད་གཉིས་སོང་ལ་བརྟུལ་ཞུགས་དང་དཀའ
322b4 ཐུབ་བྱེད་པ་འདི་ཅི་འདོད་པ་ལ་ལོངས་སྤྱོད་པ་ཞིག་གམ། འོན་ཏེ་འདོད་པ་དོན་དུ་མི་གཉེར་བ་ཞིག་ཡིན་པ་རྟོགས་ཤིག། དེ་ནས་ལྷ་མ་ཡིན་གྱི་བུ་མོ་བདེ་སོགས་དང་། ལྷའི་བུ་མོ་ཉི
322b5 འོད་ནམ་ལངས་ནས་ཕྱོགས་གང་ན་དེས་པ་འདུག་པའི་ཕྱོགས་དེར་སོང་ནས། དེས་པ་ལ་ཚིག་སྙན་པས་སྨྲས་ཏེ། དེས་པ་བཞེངས། བདག་ཅག་གཉིས་ནི་ཁྱོད་ཀྱི་བསྙེན་བཀུར་བགྱིད་པ་ལགས
322b6 སོ|་|དེས་པ། བདག་ཅག་གཉིས་ཀྱི་གཟུགས་ཕུན་སུམ་ཚོགས་པ་ལ་གཟིགས། ཤ་ཚུགས་དང་། ཁ་དོག་དང་། དབྱིབས་དང་། ལུས་བྱུགས་པ་དང་། རྒྱན་དང་། ཆས་དང་། ལྷབ་ལྷུབ
322b7 ལ་གཟིགས། ན་ཚོད་དང་ལང་ཚོལ་བབ་པ་ལ་གཟིགས། །དེས་པ་ཁྱོད་ཀྱི་བསྙེན་བཀུར་བགྱིད་པ་འདི་འདྲ་བདག་ཉིད་ཀྱི་བསོད་ནམས་ཕུན་སུམ་ཚོགས་པ་ལ་གཟིགས། དེས་པས
iiif viewer powered by OpenSeadragon
