| e-texts navigator |
| Wylie |
321a1 བར་འཚོ་བར་གྱིས་ཤིག། འཇིག་རྟེན་ཕ་རོལ་བསམ་པས་ཁྱོད་ལ་ཅི་ཞིག་བྱ། དེས་པས་སྨྲས་པ། གྲོགས་གང་ཚེ་འདི་ཆེད་ཆེར་འཛིན་པ་འདི་ནི་བྱིས་པའི་ཆོས་ཡིན
321a2 གྱི|་མཁས་པ་རྣམས་ནི་ཚེ་ཕྱི་མ་ཆེད་ཆེར་འཛིན་ཏོ། །འདོད་པས་ཟིལ་གྱིས་ནོན་པ་དང་། ཞེ་སྡང་གིས་ཟིལ་གྱིས་ནོན་པ་དང་། གཏི་མུག་གིས་ཟིལ་གྱིས་ནོན་པ་དང་། འདོད་ཆགས་ཀྱིས
321a3 ཟིལ་གྱིས་ནོན་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་བརྐམ་པ་མ་ཡིན་ནོ། །གསོག་འཇོག་ཆེད་ཆེར་འཛིན་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག
321a4 ནི་གསོག་འཇོག་མི་བྱེད་དོ། །བདག་གིར་འཛིན་པ་དང་བཅས་ཤིང་ཡོངས་སུ་འཛིན་པ་དང་བཅས་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་བདག་ཏུ་མི་འཛིན་ཅིང་ཡོངས
321a5 སུ་འཛིན་པར་མི་བྱེད་དོ། །ལུས་དང་སྲོག་ལ་ལྟ་བ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་ལུས་དང་སྲོག་ལ་མི་ལྟའོ། །ངོམས་མི་ཤེས་ཤིང་ཆོག་མི་ཤེས་པ་དག་ནི
321a6 མ་བྱིན་པར་ལེན་པར་བྱེད་ཀྱི། མཁས་པ་དག་ནི་ངོམས་ཤེས་ཤིང་ཆོག་ཤེས་པ་ཡིན་ནོ། །འཚོ་བ་ཡོངས་སུ་མ་དག་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་འཚོ་བ
321a7 ཡོངས་སུ་དག་པ་ཡིན་ནོ། །ལས་མ་མཐོང་བ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་ལས་མཐོང་བ་ཡིན་ནོ། །རྣམ་པར་འཚེ་བ་ཆེད་ཆེར་འཛིན་པ་དག་ནི་མ་བྱིན
iiif viewer powered by OpenSeadragon
