| e-texts navigator |
| Wylie |
320b1 བའི་ཕྱོགས་ཀྱི་ནི་ངན་འགྲོའོ། །དེ་བས་ན་ཁོ་བོ་ནི་སེམས་ཅན་ཕ་རོལ་ཚིག་པ་ཟ་བར་བྱེད་པ་ཡང་མི་འདོད་ན་གཙེ་བ་ལྟ་ཅི་སྨོས། དེ་ནས་དེའི་ཚེ་ཚིགས་སུ་གཅད་པ་འདི་དག་སྨྲས་སོ། །ས་བོན་ཚ་བ
320b2 རྣམས་ཀྱིས་ནི། །འབྲས་བུ་ཚ་བ་སྐྱེ་བར་འགྱུར། །ས་བོན་མངར་བ་རྣམས་ཀྱིས་ནི། །འབྲས་བུ་མངར་བ་སྐྱེ་བར་འགྱུར། །དཔེ་ཟླར་བྱ་བ་འདི་ཡིས་ནི། །སྡིག་པའི་རྣམ་སྨིན་ཚ་བ་དང་། །དཀར་པོའི
320b3 འབྲས་བུ་མངར་བ་དང་། །མཁས་པའི་མིས་ནི་ཤེས་པར་འགྱུར། །རྟག་ཏུ་ལུས་དང་ངག་ཡིད་ཀྱི། །སྡིག་པ་རྣམ་གསུམ་མི་བྱ་ཞིང་། །གཞན་དག་བྱེད་ཀྱང་མཁས་པ་ཡིས། །རྗེས་སུ
320b4 དགའ་བ་མི་བྱའོ། །ལུས་དང་ངག་དང་ཡིད་རྣམས་ཀྱིས། །དཀར་པོ་རྣམ་གསུམ་རྟག་ཏུ་བྱས། །གང་དག་དགེ་བ་སྤྱོད་བྱེད་པ། །གཞན་དག་ལ་ཡང་ཡི་རང་བྱ། །དེ་ནས་ལྷའི་དབང་པོ་བརྒྱ
320b5 བྱིན་གྱིས་དུས་གཞན་ཞིག་ན། དེས་པ་ལ་དབྱིག་དང་། གསེར་མང་པོ་བསྟན་ནས་འདི་སྐད་ཅེས་སྨྲས་སོ། །དེས་པ། འོ་ནི་ལས་ཁྱེར་ལ་སྦྱིན་པ་དག་བྱིན་ཅིག། བསོད་ནམས་དག་གྱིས་ཤིག།
320b6 གོས་དང་རྒྱན་དག་ཀྱང་ཐོགས་ཤིག། ཁྱོད་ངན་ཞིང་དབུལ་བས་ཅི་ཞིག་བྱ། དེས་པས་སྨྲས་པ། གྲོགས་པོ་དག། སྔོན་སེམས་ཅན་རྣམས་ལ་ལུས་ཀྱིས་ཉེས་པར་སྤྱད་པ་དང་། ངག་དང
320b7 ཡིད་ཀྱིས་ཉེས་པར་སྤྱད་པས། འདིར་དབུལ་པོ་ཞེས་བྱ་བར་གྱུར་ཏོ། །དེ་བས་ན་ཁོ་བོ་ནི་མ་བྱིན་པར་ལེན་པ་དེ་བྱེད་པར་མི་འདོད་དོ། །བརྒྱ་བྱིན་གྱིས་སྨྲས་པ། དེས་པ་ཁྱོད་ད་ལྟར་ཇེ་བདེ
iiif viewer powered by OpenSeadragon
