| e-texts navigator |
| Wylie |
316a1 སྦྱིན་པས་རྗེས་སུ་འཇུག་པའམ། སྙན་པར་སྨྲ་བས་རྗེས་སུ་འཇུག་པའམ། དོན་སྤྱོད་པས་རྗེས་སུ་འཇུག་པའམ། དོན་མཐུན་པས་རྗེས་སུ་འཇུག་པའམ། ཇི་ལྟ་ཇི་ལྟར
316a2 གཞན་དག་དགེ་བའི་ཕྱོགས་ཡང་དག་པར་བསྐྱེད་ཅིང་། དགེ་བའི་རྩ་བ་གསོག་པར་འགྱུར་བ་དེ་ཡང་རབ་ཏུ་ཤེས་སོ། །དེ་ཆོས་ཀྱི་ཚིག་འདི་དག་ལ་ཉིན་གཅིག་བཞིན་དུ་དུས་གསུམ་དུ
316a3 འཇུག་གོ། ཡིད་ལ་བྱེད་དོ། །དེ་འདི་ལྟ་སྟེ། འཇིག་རྟེན་དག་གི་ཁམས་རྣམས་ཐམས་ཅད་ན། །ཡང་དག་བཞུགས་པ་རྫོགས་པའི་སངས་རྒྱས་དང་། །ཆོས་དང་དགེ་འདུན་བྱང་ཆུབ
316a4 སེམས་དཔའ་ལ། །གན་འགྲོ་མགོ་བོས་མཐའ་ཡས་ཕྱག་ཀྱང་འཚལ། །འགྲོ་བའི་ནང་ན་ཡོན་ཏན་མཉམ་མེད་ཅིང་། །མི་མཉམ་མཉམ་པའི་ཡོན་ཏན་འབྱུང་གནས་ཅན། །ཡོན་ཏན
316a5 དཔག་མེད་དེ་དག་ཐམས་ཅད་ལ། །བདག་ནི་མགོ་བོས་མཐའ་ཡས་སྐྱབས་སུ་མཆི། །སངས་རྒྱས་དང་ནི་ཆོས་དང་ཚོགས་རྣམས་དང་། །བྱང་ཆུབ་སེམས་དཔའ་རྣམས་ཀྱིས་འཇིག་རྟེན
316a6 ཁམས། །གང་ཡང་བརྒྱ་ལམ་སྟོངས་པར་མི་འགྱུར་བར། །དེ་ལྟར་གསོལ་བ་མཐའ་ཡས་རབ་ཏུ་འདེབས། །ཞི་བའི་ཆོས་ནི་རབ་ཏུ་སྟོན་མཛད་ཅིང་། །བསྐལ་པ་མ་ལུས་རྣམས་སུ་བཞུགས
316a7 པར་ཡང་། །འཇིག་རྟེན་ཁམས་རྣམས་ཀུན་གྱི་བདེ་གཤེགས་ལ། །མགོ་བོས་གསོལ་བ་མཐའ་ཡས་རབ་ཏུ་འདེབས། །སྔོན་དང་འདི་དང་སྐད་ཅིག་ཙམ་ཡང་རུང་། །བདག་གིས་སྡིག་པ
iiif viewer powered by OpenSeadragon
