| e-texts navigator |
| Wylie |
313b1 དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཅེས་བྱ་བ་འཕགས་པའི་ལམ་ཡན་ལག་བརྒྱད་པ་ཞེས་བྱ་བ་དེ་ནི་འཕགས
313b2 པའི་ཐེག་པ་ཞེས་བྱའོ། །དེ་དུས་དུས་སུ་ལྷའི་ཐེག་པ་སྒོམ་སྟེ། སེམས་ཅན་རྣམས་ཀྱང་དེ་ལ་འགོད། དུས་དུས་སུ་ཚངས་པའི་ཐེག་པ་སྒོམ་སྟེ། སེམས་ཅན་རྣམས་ཀྱང་དེ་ལ་འགོད་དོ། །དུས
313b3 དུས་སུ་འཕགས་པའི་ཐེག་པ་བསྒོམ་ཞིང་སེམས་ཅན་རྣམས་ཀྱང་དེ་ལ་འགོད་ལ། རྣམ་པར་གྲོལ་བ་འཕགས་པ་མངོན་སུམ་དུ་ཡང་མི་བྱེད་དོ། །གཞན་ཡང་ཐེག་པ་གསུམ་རབ་ཏུ་ཤེས
313b4 ཏེ|་གསུམ་གང་ཞེ་ན། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོ་སྟེ། དེ་དག་ནི་ཐེག་པ་གསུམ་ཞེས་བྱའོ། །མོས་པ་དམན་པ་དང་། དབང་པོ་དམན་པ
313b5 སྐད་ཅིག་ཙམ་ཡང་སྲིད་པ་ལ་མོས་པར་མི་བྱེད། སྲེད་པར་མི་བྱེད་ཀྱི་འདོར་ཏེ། སྐད་ཅིག་དེ་ལ་དེ་མ་ཐག་ཏུ་མྱ་ངན་ལས་འདས་པ་ཐོབ་པའི་ཕན་ཡོན་མཐོང་བས། མགོ་དང་གོས་ལ་མེ
313b6 འབར་བ་བཞིན་དུ་འཕགས་པའི་བདེན་པ་བཞི་པོ་དེ་དག་ཁོང་དུ་ཆུད་པ་རྟོགས་པར་བྱ་བའི་ཕྱིར། འདུན་པ་དང་རྩོལ་བའི་ཤས་ཆེ་བ་དེ་ནི་ཉན་ཐོས་ཀྱི་ཐེག་པ་ཞེས་བྱའོ། །མོས་པ་འབྲིང
313b7 དང་། དབང་པོ་འབྲིང་དང་། དབེན་པར་དགའ་བ་དང་། རང་གི་དོན་ལྷུར་ལེན་པ་དང་། བསམ་གཏན་དང་། སྙོམས་པར་འཇུག་པ་ལ་གནས་པར་བརྩོན་པ་དང་། རྟེན་ཅིང་འབྲེལ་བར
iiif viewer powered by OpenSeadragon
