| e-texts navigator |
| Wylie |
313a1 ཏེ་འགགས་པ་དང་། མ་བྱུང་བ་སྟེ་ཡོད་པ་མ་ཡིན་པར་འགྱུར་བ་དེའི་ཚེ་ཡང་བདག་མེད་པ་དང་། བདག་གི་མེད་པ་ཉིད་དུ་འགྱུར་རོ། །གང་ཡང་དུས་གསུམ་དག
313a2 ཏུ་བདག་མེད་ཅིང་བདག་གི་མེད་པ་དེ་ནི་མ་བྱུང་ཞིང་ཡོད་པ་མ་ཡིན་པའི་ཕྱིར། མཁས་ཤིང་རིག་པ་རྣམས་ཀྱིས་འདི་ནི་བདག་གིའོ། །འདི་ནི་ངའི་འོ། །བདག་གི་འདི་ནི་ཡོད་དོ་ཞེས
313a3 བདག་ཏུ་ལྟ་བར་འོས་པ་མ་ཡིན་ནོ། །དེ་སྲིད་པ་ཐམས་ཅད་དང་། འདུ་བྱེད་ཐམས་ཅད་ལ་བདག་མེད་པའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། སྤངས་པའི
313a4 འདུ་ཤེས་དང་། འགོག་པའི་འདུ་ཤེས་ཅན་དུ་གནས་ཏེ། འགོག་པ་མངོན་སུམ་དུ་བྱེད་པ་ཡང་མ་ཡིན་ནོ། །གང་དེ་ལྟར་དུས་གསུམ་རབ་ཏུ་ཤེས་པ་དེ། ཆོས་དེ་དག་ཉན་ཅིང་འཛིན་པ་དང་།
313a5 མང་དུ་བྱེད་ཅིང་ཡོངས་སུ་རྟོག་པ་ན། ཐེག་པ་གསུམ་རབ་ཏུ་ཤེས་ཏེ། གསུམ་གང་ཞེ་ན། ལྷའི་ཐེག་པ་དང་། ཚངས་པའི་ཐེག་པ་དང་། འཕགས་པའི་ཐེག་པ་སྟེ། དེ་དག་ནི་ཐེག་པ
313a6 གསུམ་ཞེས་བྱའོ། །བསམ་གཏན་དང་པོ་ནི་ལྷའི་ཐེག་པ་སྟེ། བསམ་གཏན་གཉིས་པ་དང་། གསུམ་པ་དང་། བཞི་པ་ཡང་ལྷའི་ཐེག་པའོ། །བྱམས་པ་ནི་ཚངས་པའི་ཐེག་པ་སྟེ། སྙིང
313a7 རྗེ་དང་། དགའ་བ་དང་། བཏང་སྙོམས་ཀྱང་ཚངས་པའི་ཐེག་པའོ། །ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ
iiif viewer powered by OpenSeadragon
