| e-texts navigator |
| Wylie |
304a1 དགེ་བ་མཐའ་ཡས་མུ་མེད་པ་ཡིན་ནོ། །ལག་བཟང་། དེ་ལྟར་ན་བྱང་ཆུབ་སེམས་དཔའ་བདེ་བ་དང་ལྡན་ལ། ཡིད་བདེ་བ་དང་ལྡན་ཞིང་ཚེགས་ཆུང་ངུ་དང་།
304a2 སྡུག་བསྔལ་ཆུང་ངུས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ལག་བཟང་། བྱང་ཆུབ་སེམས་དཔའ་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར
304a3 བྱེད་ཅེ་ན། ལག་བཟང་། འདི་ལ་བྱང་ཆུབ་སེམས་དཔའ་ནི་མདུང་ཐུང་དག་གིས་བཟློག་ཀྱང་། གང་ཟག་གང་དག་ཐོས་པ་མང་བ། ཐོས་པ་འཛིན་པ། ཐོས་པ་བསགས་པ། དོན་ཤེས་པ། བཤད
304a4 པ་ཤེས་པ། དཔྱོད་པ་ཅན་ཇི་ལྟར་ཐོས་པའི་དོན་ལ་ཡོངས་སུ་རྟོག་པ། དེ་དག་ལ་བསྙེན་ཅིང་བརྟེན་ཏེ། བསྙེན་བཀུར་བྱེད་དོ། །དེ་ཐོས་པའི་ཆེད་དང་། བཤད་པའི་ཆེད་དང་། དོན་གྱི་ཆེད
304a5 དང་|་དོན་ལ་ཡོངས་སུ་རྟོག་པའི་ཆེད་དང་། སློབ་དཔོན་དང་། མཁན་པོ་ལ་བསྙེན་བཀུར་བྱ་བའི་ཆེད་ལ། གྲང་བ་ཡང་ཁྱད་དུ་གསོད། ཚ་བ་དང་། བཀྲེས་པ་དང་། སྐོམ་པ་དང་། ཤ་སྦྲང
304a6 དང་|་སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱིས་རེག་པ་དང་། གཞན་གྱིས་ངན་དུ་སྨྲས་ཤིང་། ངན་དུ་བརྗོད་པའི་ཚིག་གི་ལམ་དང་། ལུས་ཀྱི་ཚོར་བ་དྲག་པ། རྩུབ་པ། མི
304a7 བཟོད་པ། སྲོག་འཆད་པར་འགྱུར་བ་ཡང་ཁྱད་དུ་གསོད་དོ། །དེ་ཆོས་རྣམས་ལ་ནི་རིན་པོ་ཆེའི་འདུ་ཤེས་ཉེ་བར་གནས། ཆོས་སྨྲ་བ་རྣམས་ལ་ནི་རིན་པོ་ཆེའི་གཏེར་དུ་འདུ་ཤེས། ཆོས
iiif viewer powered by OpenSeadragon
