| e-texts navigator |
| Wylie |
299b1 ཆོས་རྣམས་རྣམ་པར་ཤེས་ནས་མཚན་མར་མི་འཛིན་ཞིང་མངོན་རྟགས་སུ་མི་འཛིན་པ་ཡིན་ཏེ། གང་གི་ཕྱིར་ཡིད་ཀྱི་དབང་པོ་སྡོམ་པས་མ་བསྡམས་པར་གནས་པས་འཇིག་རྟེན་ན་བརྣབ
299b2 སེམས་དང་། ཡིད་མི་བདེ་བ་དང་། སྡིག་པ་མི་དགེ་བའི་ཆོས་རྣམས་ལ་སེམས་རྗེས་སུ་ཟག་པ་དེ་དག་བསྡམ་པའི་ཕྱིར་ནན་ཏན་བྱེད་ཅིང་བསྲུང་སྟེ། ཡིད་ཀྱི་དབང་པོས་ཡིད་ཀྱི་དབང་པོ་སྡོམ་པ་བྱེད
299b3 དོ|་|དེ་འགྲོའམ། འགྲེང་ངམ། འདུག་གམ། ཉལ་ལམ། ཅང་མི་སྨྲ་བར་གྱུར་ཀྱང་རུང་སྟེ། མཉམ་པར་བཞག་པའི་གནས་དང་། ཞི་བའི་གནས་ཀྱི་གནས་མི་འདོར་རོ། །རྣམ་པར་མི་འདོར་རོ། །དེ
299b4 ལག་མི་རྒོད་པ་དང་། མུ་ཅོར་མི་སྨྲ་བ་དང་། ཚིག་མི་མང་བ་དང་། མིག་མི་གཡེང་བ་དང་། དབང་པོ་མི་གཡེང་བ་དང་། མི་རྒོད་པ་དང་། ཏོམ་ཅོལ་མེད་པ་དང་། ལུས་འཁྲུལ་པ་མེད་པ
299b5 དང་|་ངག་འཁྲུལ་བ་མེད་པ་དང་། སེམས་འཁྲུལ་པ་མེད་པ་དང་། དབེན་ཡང་རུང་། མི་དབེན་ཡང་རུང་། སྤྱོད་ལམ་མི་ཉམས་པ་ཡིན་ནོ། །བཟའ་བ་དང་། བཏུང་བ་དང་། མལ་ཆ་དང་།
299b6 སྟན་དང་། གནས་དང་། ན་བའི་གསོས་སྨན་དང་། ཡོ་བྱད་ཇི་ལྟ་བུ་ཡང་རུང་བ་དག་གིས་ཆོག་ཤེས་ཤིང་གསོ་སླ་བ་དང་། དགང་སླ་བ་དང་། རིམ་གྲོ་བྱ་སླ་བ་དང་། ཆོ་ག་དང་སྤྱོད་ཡུལ་དགེ
299b7 བ་དང་། འདུ་འཛི་ལས་དབེན་པའི་སྤྱོད་ཡུལ་ཡིན། ཐོབ་པ་དང་མ་ཐོབ་པ་ལ་མཉམ་ཞིང་འགྱུར་པ་མེད་དོ། །མ་ཁེངས་མ་དུད་པ་ཡིན། བདེ་བ་དང་སྡུག་བསྔལ་བ་དང་། སྟོད་པ་དང་སྨོད་པ
iiif viewer powered by OpenSeadragon
