| e-texts navigator |
| Wylie |
298a1 ཚིག་གི་ལམ་དང་། ངལ་བ་དང་། ཉོན་མོངས་པ་དང་། གཉིད་དང་། མི་དགའ་བ་དང་། ལུས་དང་སྲོག་ཀྱང་ཁྱད་དུ་གསོད་དོ། །མཁས་པ་ལེ་ལོ་མེད་པ་ནི་མདུད
298a2 ཐུང་དག་གིས་བཟློག་ཀྱང་དེ་རྫོགས་པའི་བྱང་ཆུབ་ཀྱི་རྒྱུ་དང་། རྫོགས་པའི་བྱང་ཆུབ་ཀྱི་ཆེད་ལ་ལྷའི་སྡུག་བསྔལ་ཡང་ཁྱད་དུ་གསོད་དོ། །ལྷ་མ་ཡིན་གྱི་སྡུག་བསྔལ་ཡང་ཁྱད་དུ་གསོད་དོ།།
298a3 མིའི་སྡུག་བསྔལ་ཡང་ཁྱད་དུ་གསོད་དོ། །ཡི་དྭགས་ཀྱི་སྡུག་བསྔལ་ཡང་ཁྱད་དུ་གསོད་དོ། །དུད་འགྲོའི་སྐྱེ་གནས་ཀྱི་སྡུག་བསྔལ་དང་། སེམས་ཅན་དམྱལ་བའི་སྡུག་བསྔལ་ཡང་ཁྱད་དུ
298a4 གསོད་དོ། །མཁས་པ་ལེ་ལོ་མེད་པ་ནི་མདུད་ཐུང་དག་གིས་བཟློག་ཀྱང་དེ་མི་མཉམ་པ་དང་མཉམ་པའི་སངས་རྒྱས་ཀྱི་ཆོས་ཡོངས་སུ་བསྐང་བ་ཐོབ་པར་བྱ་བ་དང་། སྤྱོད་ལམ་དང་ཕ་རོལ
298a5 ཏུ་ཕྱིན་པ་ཐམས་ཅད་ཡོངས་སུ་རྫོགས་པ་ཐོབ་པར་བྱ་བའི་ཕྱིར་བརྩོན་འགྲུས་བརྟན་ཞིང་རྟུལ་བ་བརྟན་ནོ། །དེ་བརྩོན་འགྲུས་འདི་དང་། རྟུལ་བ་འདི་མངོན་སུམ་དུ་བྱ་བར་འདོད་པ་དང་།
298a6 བརྩམ་པར་འདོད་པ་ན་ཡང་སེམས་ཅན་ཐམས་ཅད་བསྒྲལ་བ་དང་། སེམས་ཅན་ཐམས་ཅད་དགྲོལ་བ་དང་། སེམས་ཅན་ཐམས་ཅད་དབུགས་དབྱུང་བ་དང་། ཐམས་ཅད་མཁྱེན་པ་ཉིད
298a7 ཐོབ་པར་བྱ་བ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་བར་བྱེད་དོ། །མངོན་སུམ་དུ་བྱེད་པ་དང་། རྩོམ་པ་དང་། མངོན་སུམ་དུ་བྱས་པ
iiif viewer powered by OpenSeadragon
