| e-texts navigator |
| Wylie |
297b1 སེམས་དཔའ་དང་། སློབ་དཔོན་དང་། བླ་མ་དང་། རྒན་པ་དང་། ནད་པ་དང་། མགོན་མེད་པ་རྣམས་ལ་ཡོངས་སུ་སྤྱད་པར་བྱ་བ་དང་། སྲི་ཞུ་བྱ་བ་དང་། བསྙེན་བཀུར་བྱ་བས་བྱེ་བྲག་ཏུ
297b2 འགྱུར་རོ། །དེ་མགོ་དང་གོས་ལ་མེ་འབར་བ་བཞིན་དུ་གཞན་གྱི་སེམས་དང་། གཞན་གྱི་སྙིང་དགའ་བར་འགྱུར་བའི་ཚིག་དང་རྗེས་སུ་མཐུན་པ་དང་། མཐུན་པར་བྱེད་པ་དང་། ཡང་དག་པར
297b3 བྱེད་པ་དང་། གྲོགས་བྱེད་པ་དང་། གྲོགས་སུ་གྱུར་པ་དང་། དགེ་བ་མཐུན་པ་དང་། དོན་མཐུན་པས་རྗེས་སུ་ཞུགས་ནས་མངོན་དུ་དད་པར་བྱས་ཤིང་བསྡུས་ཏེ། ཉན་ཐོས་ཀྱི་ཐེག་པ་ལ་འོས
297b4 པ་རྣམས་ནི་ཉན་ཐོས་ཀྱི་ཐེག་པ་ལ་འཛུད་དོ། །འདུལ་ལོ། །འགོད་དོ། །རང་སངས་རྒྱས་ཀྱི་ཐེག་པ་ལ་འོས་པ་རྣམས་ནི་རང་སངས་རྒྱས་ཀྱི་ཐེག་པ་ལའོ། །རྫོགས་པའི་བྱང་ཆུབ་ཀྱི་ཐེག་པ
297b5 ལ་འོས་པ་རྣམས་ནི་རྫོགས་པའི་བྱང་ཆུབ་ཀྱི་ཐེག་པ་ལ་འཛུད་དོ། །འདུལ་ལོ། །འགོད་དོ། །མཁས་པ་ལེ་ལོ་མེད་པ་ནི་མདུང་ཐུང་དག་གིས་བཟློག་ཀྱང་། མགོ་དང་གོས་ལ་མེ་འབར་བ
297b6 བཞིན་དམ་པའི་ཆོས་ཀྱི་རྒྱུ་དང་། དམ་པའི་ཆོས་ཀྱི་ཆེད་དང་། ཕ་རོལ་ཏུ་ཕྱིན་པ་དྲུག་གི་རྒྱུ་དང་། ཕ་རོལ་ཏུ་ཕྱིན་པ་དྲུག་གི་ཆེད་དང་། དགེ་བའི་རྒྱུ་དང་། དགེ་བའི་ཆེད་ལ་གྲང་བ་ཡང་ཁྱད
297b7 དུ་གསོད་ལ། ཚ་བ་དང་། བཀྲེས་པ་དང་། སྐོམ་པ་དང་། ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱིས་རེག་པ་དང་། གཞན་གྱིས་ངན་དུ་སྨྲས་པ་དང་། ངན་དུ་བརྗོད་པའི
iiif viewer powered by OpenSeadragon
