| e-texts navigator |
| Wylie |
438b1 པ་དང་། དགེ་སློང་དེ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཀླུའི་རྒྱལ་པོ་དགའ་བོ་ཉེར་དགའ་འདུལ་བའི་མདོ་རྫོགས་སོ།། །།པཎྜི་ཏ་ཆེན་པོ
438b2 ཨ་ནནྟ་ཤྲཱིའི་ཞལ་སྔ་ནས། མང་དུ་ཐོས་པའི་ལོ་ཙྪ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས་སྐད་གཉིས་སྨྲ་བ་རྣམས་ཀྱིས་གདན་ས། གཙུག་ལག་ཁང་ཆེན་པོ་དཔལ
438b3 ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། སའི་སྟེང་དུ་ཉི་མ་དང་། ཟླ་བ་ལྟར་གྱུར་ཅིག། །།རྒྱ་གར་སྐད་དུ། མཧཱ་ཀཱ་ཤྱ་པ་སཱུ་ཏྲ། བོད་སྐད་དུ། འོད་སྲུང་ཆེན
438b4 པོའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རྒྱལ་པོའི་ཁབ་འོད་མའི་ཚལ་ཀ་ལནྡ་ཀའི་གནས་ན
438b5 བཞུགས་སོ། །དེའི་ཚེ་དེའི་དུས་ན་ཚེ་དང་ལྡན་པ་འོད་སྲུང་ཆེན་པོ་པི་བྱ་ལའི་ཕུག་ན་བཞུགས་ཏེ། ནད་དམ་པོས་གཟིར་ཞིང་སྡུག་བསྔལ་བར་གྱུར་ཏོ། །དེ་ནས་བཅོམ་ལྡན་འདས
438b6 སྲོད་ལའི་དུས་སུ་སོ་སོར་ཐམས་ཅད་རྟོག་ཅིང་བཞུགས་སོ། །ཚེ་དང་ལྡན་པ་འོད་སྲུང་ཆེན་པོ་ག་ལ་བ་དེར་གཤེགས་ཤིང་ཉེ་བར་གཤེགས་ཏེ་གདན་བཤམས་པ་ལ་བཞུགས་ཏེ།
438b7 བཞུགས་ནས་ཡང་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་། ཁྱོད་ཇི་ལྟར་བཟའ་བ་འདོད་དམ། ཇི་ལྟར་སྡུག་བསྔལ་མྱོང་། ཇི
iiif viewer powered by OpenSeadragon
