| e-texts navigator |
| Wylie |
438a1 གནས་བརྟན་གྱི་ཞབས་ལ་ཕྱག་བཙལ་ཏོ། །གནས་བརྟན་གྱིས་སྟོན་པའི་ཐད་དུ་ཤོག་ཅིག། འགྲོ་བ་ཡིན་ནོ་ཞེས་ཀླུའི་རྒྱལ་པོ་བཏུལ་ནས་དུག་མེད་པར
438a2 བྱས་ཏེ། བཅོམ་ལྡན་འདས་ཀྱི་དྲུང་དུ་ཕྱིན་ནོ། །ཀླུའི་རྒྱལ་པོས་བཅོམ་ལྡན་འདས་ལ་ཕྱག་བྱས་ཏེ། བཙུན་པ། ཁྱེད་ལ་སྐྱབས་སུ་འགྲོའོ་ཞེས་གསོལ་ཏོ། །བཅོམ་ལྡན་འདས་ཀྱིས
438a3 ལེགས་སོ་ཞེས་བཀའ་སྩལ་ནས། དགེ་སློང་འཁོར་དང་བཅས་པ་མགོན་མེད་ཟས་སྦྱིན་གྱི་གནས་སུ་གཤེགས་སོ། །མགོན་མེད་ཟས་སྦྱིན་གྱིས། བཙུན་པ་ཡུན་རིང་པོར་མི
438a4 འབྱོན་པ་ཅི་ཞེས་གསོལ་པ་དང་། བཅོམ་ལྡན་འདས་ཀྱིས། མཽ་དགལ་གྱི་བུ་དང་། དགའ་བོ་ཉེར་དགའ་གཉིས་གཡུལ་བཀྱེའོ་ཞེས་བཀའ་སྩལ་ཏོ། །བཙུན་པ། སུ་ཞིག
438a5 ཕམ|་སུ་ཞིག་རྒྱལ་བར་གྱུར་ཞེས་གསོལ་པས། ཁྱིམ་བདག། མཽ་དགལ་གྱི་བུ་རྒྱལ་བར་གྱུར། དགའ་བོ་ཉེར་དགའ་ཕམ་པར་གྱུར་ཏོ། །ཞེས་བཀའ་སྩལ་ཏོ། །མགོན
438a6 མེད་ཟས་སྦྱིན་གྱིས་བཙུན་པ་བཅོམ་ལྡན་འདས་ལ་ཞག་བདུན་དུ་རིམ་པ་བཞིན་དུ་གདུགས་ཚོད་གསོལ་བར་ཞུས། གནས་བརྟན་ལ་བཀུར་སྟི་དང་། བསྟི་བཏང་བགྱིད་པར་ཞུས
438a7 སོ|་|སངས་རྒྱས་ལ་སོགས་པའི་དགེ་སློང་ལྔ་བརྒྱ་པོ་རྣམས་ལ་བཀུར་སྟི་དང་། བསྟི་བཏང་ཞག་བདུན་དུ་བགྱིད་པར་འཚལ་ལོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ
iiif viewer powered by OpenSeadragon
